Zamorskaja terytoryja Francyi atrymaje aŭtanomiju, ale nie poŭnuju niezaležnaść
Palityčnyja ruchi Novaj Kaledonii abviaścili ab zaklučeńni pahadnieńnia ab stvareńni novaj dziaržavy, ale nie całkam niezaležnaj ad Francyi.
Na ŭskrainie Paryža pieramovy pa Novaj Kaledonii zaviaršylisia kampramisam — krainie dali aŭtanomiju, ale nie poŭnuju niezaležnaść, paviedamlaje Politico.
Žychary astravoŭ mohuć mieć padvojnaje hramadzianstva. Novaj Kaledonii delehujuć paŭnamoctvy vieści svaju palityku ŭ halinie mižnarodnych adnosin.
Ciapier hetamu pahadnieńniu treba prajści refierendum u Novaj Kaledonii i hałasavańnie ŭ francuzskim parłamiencie.
Prezident Francyi Emanuel Makron napisaŭ u tvitary, što abmierkavańni išli bolš čym 10 dzion. Jon nazvaŭ pahadnieńnie histaryčnym.
Žychary Cichaakijanskaha archipiełaha i byłoj francuzskaj kałonii daŭno spračalisia adnosna budučyni svajoj krainy. Naščadki francuzaŭ chočuć, kab Paryž zachavaŭ uładu, a karenny narod kanakaŭ imkniecca da samavyznačeńnia.
U traŭni 2024 hoda ŭ Novaj Kaledonii prajšli biesparadki paśla taho, jak parłamient Francyi pryniaŭ zakon ab źmienie paradku vybaraŭ u miascovy zakanadaŭčy schod. Zhodna z papraŭkami, prava hołasu atrymali pryjezdžyja z Francyi, jakija pražyli ŭ Novaj Kaledonii 10 hadoŭ.
Na refierendumie 2021 hoda ŭ Novaj Kaledonii bolšaść prahałasavała za admovu ad niezaležnaści ad Francyi.
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Hetaja " Novaja Kaledonija " u miania jašče marka paštoŭka jaje była . Ci ja niešta pierabłytaŭ ?