Pucin hatovy da paharšeńnia adnosin z Trampam i nie budzie spyniać vajnu
Prezident Rasii Uładzimir Pucin pierakanany, što abarona Ukrainy moža abrynucca ŭ najbližejšyja miesiacy i nie bačyć sensu spyniać vajnu biez značnych sastupak z boku Kijeva, raskazali The New York Times blizkija da Kramla krynicy.
Pa słovach surazmoŭcaŭ, Pucin taksama ŭličyŭ mahčymaść uzmacnieńnia cisku z boku ZŠA.
Pucin sapraŭdy vielmi staraŭsia naładzić adnosiny z Donaldam Trampam, piša vydańnie: prapanoŭvaŭ jamu dziełavyja ździełki i svajo pasiarednictva na Blizkim Uschodzie, a taksama absypaŭ publičnymi kamplimientami. Adnak paśla šaści miesiacaŭ pieramoŭ Pucin tak i nie pahadziŭsia na jakija-niebudź sastupki pa Ukrainie, a intensiŭnaść napadaŭ rasijskaj armii tolki pavialičyłasia.
Choć dahetul pahrozy sankcyj z boku Trampa zastalisia pustymi, u Kramli hatovyja da taho, što ciarpieńnie amierykanskaha prezidenta ŭ niejki momant łopnie, kažuć krynicy.
Užo sam fakt pramych pieramoŭ staŭ dla Maskvy praryvam, jaki zaviaršyŭ trochhadovuju dypłamatyčnuju izalacyju, ustalavanuju pry administracyi Bajdena. Tamu Pucin, sa słoŭ surazmoŭcaŭ, zadavoleny adnosinami z Trampam sioleta.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam3030
Kamientary
Raskručiennyj im machovik impierskosti i skriepnosti tiepieŕ tak prosto nie ostanoviš.