Hrodzienka addała za naroščanyja vałasy amal piać tysiač rubloŭ — za što takija hrošy?
Błohierka z Hrodna Alesia Bakłaha raspaviała, u kolki joj abyšłasia mara — pracedura pa naroščvańni vałasoŭ. Kančatkovuju sumu ŭ 4 595 rubloŭ ciapier abmiarkoŭvajuć usim tyktokam. «Heta rofł?» — zadajucca pytańniem kamientatary.
Alesia raspaviała, što kapiła na vałasy sama. Abrała halivudskaje naroščvańnie, jakoje ličycca samym litaścivym: ad jaho mienš ciarpiać ułasnyja vałasy.
«U mianie dziciačaja naturalnaja słavianka, i heta samy darahi vołas. Uvohule vałasy daŭžynioj 65 sm było vielmi składana znajści, tamu my spačatku ŭziali adzin pučok — 66 santymietraŭ kaštavali 2 600 rubloŭ. Paśla dadali druhi, za 1 475 — jon byŭ bolš porysty i maksimalna padobny da maich rodnych. Z hetych dvuch pučkoŭ treba było zrabić adziny tres — vałasy sšyvajucca na śpiecyjalnaj mašyncy adzin raz. Za heta ja addała 320 rubloŭ. Samo naroščvańnie kaštavała jašče 200 rubloŭ».
Tres, jaki majstrycha stvaryła dla dziaŭčyny, pavinien prasłužyć ciaham minimum troch hadoŭ.
«A kali ja budu ich bieražliva dahladać — choć da piensii. Adzinaje, za što ja budu płacić jašče — za karekcyju: 200 rubloŭ raz na paŭtara miesiaca».
Dadatkova dziaŭčynie pryjšłosia raskašelicca na novy fien. «Kab sušyć novuju daŭžyniu, ja kupiła sabie Dyson», — raspaviała błohierka. Ceny na stajlery hetaj marki ŭ Biełarusi startujuć ad 1800 rubloŭ, u zaležnaści ad funkcyjanału i madeli.
U kamientarach Alesia sabrała šmat mierkavańniaŭ. Mnohija adznačyli, što joj vielmi pasuje novaja daŭžynia i padtrymali rašeńnie dziaŭčyny ździajśniać svaje mary. Byli i tyja, chto nie razumieje takich trat na vałasy.
«Ja mocna lublu hrošy, kab ich tak biazdumna tracić», «Lepš vandravać sa svaimi vałasami, pahladzieć śviet», — ličać adny kamientatary. Niekatoryja ž uvohule napisali, što nie razumiejuć, jak možna nasić na sabie čužyja vałasy.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś19
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
A kali papraŭdzie, lepš by na lipasakcyju puza addała. Ci adrazu na zašyvańnie straŭnika.
Poŭnaściu pahadžajusia z kamientarami typu 2 i 3.