Kolki ŭ Biełarusi možna zarabić na vałasach? Ich nabyvajuć navat z vošami

Majstrycha viadzie tyktok pad nikam mamochka_volos. Niadaŭna jana pakazała, jaki zrez vałasoŭ jana kupiła:

— Važać jany 69 hram, pa daŭžyni 45 santymietraŭ, ale jość «tuman». Vałasy ŭ sałonie zabirała administratar. Ja b, kali ščyra, ceńnik jašče b źniziła. My zapłacili za ich 175 rubloŭ, bo ŭvieś chvost prosta ŭ dzikaj pasiečcy. Heta značyć, jaho treba addavać na aśviatleńnie, tamu što prosta tak jaho nie narościš.

Jana tłumačyć, što karotkija maładyja vałasy (tyja, jakija ŭ pracesie rostu) — dobra dla čałavieka, bo šavialura vyhladaje huściejšaj. Ale «karatyšy» nie padychodziać dla «donarstva». Bo atrymajecca bolšaja nahruzka na korań svajho vołasa, a patrebnaj daŭžyni nie atrymajecca.

Paśla taho, jak žančyna zakančvaje vyčesvać chvost, jana demanstruje, jak źniziłasia vaha — zastałosia ŭsiaho 58 hram. Tyktokierka niezadavolena adznačaje, što minus 11 hram — heta davoli šmat u takim vypadku.

Ale byŭ i bolš niepryjemny siurpryz — u vałasach znajšlisia hnidy vošaj.

— Heta vałośsie dziciaci, u jakoha znajšli niaprošanych haściej. Pratrucili, zrezali. Jany ŭžo miortvyja. Naturalna, ja hety chvost addam na apracoŭku i na aśviatleńnie.

@mamochka_volos #sriezkavołośminsk#kupimvołosyminsk#kupimvołosybiełaruś#longhair#hair#babyhair#hollywoodhair ♬ orihinalnyj zvuk - mamochka_volos

Za dva dni rolik nabraŭ u tyktoku kala 3 miljonaŭ prahladaŭ i 131 tysiaču łajkaŭ. Pa kamientaryjach bačna, što šmat kaho z žančyn navina pra vošaj napužała. Ale majstrycha supakojvaje: «Ja vam Amieryku adkryju, ale ŭsie azijackija vałasy ŭ ich! Na niepafarbavanych žyvych zrezach pa ŭsioj daŭžyni. Ale jany ŭsio ŭžo prosta domiki pustyja. Tam žyvoha nikoha niama».

U inšych videa majstrycha taksama časta raspaviadaje pra ceny. Naprykład, adzin chłopiec zarabiŭ na svaich vałasach 894 rubli. Darečy, mužčyny, mohuć zarabić na ŭłasnaj šavialury bolš, čym žančyny albo dzieci, bo zvyčajna majuć bolš ciažkija vałasy.

— Tut daŭžynia 60-65 santymietraŭ, a vaha 227 hram, — raspaviadaje tyktokierka.

@mamochka_volos Dievočki, uchaživajem za vołosami #sriezkavołośminsk#pokupajemvołosyminsk#prodaťvołosyvminskie#prodaťvołosyvbiełarusi#prodažavołośbiełaruś#sriezkavołośbiełaruś#pokupkavołośbiełaruś ♬ orihinalnyj zvuk - mamochka_volos

Minimalnaja daŭžynia vałasoŭ, jakija majstrycha hatovaja nabyć, — 35 santymietraŭ.

Ale heta aktualna tolki dla kučaravych, pramyja pavinny być krychu daŭžejšymi. Naprykład, za 40-santymietrovy chvościk vahoj kala 50 hram majstrycha zapłaciła 140 rubloŭ.

Daražej za astatnija zaŭsiody cenicca naturalny błond. Naprykład, chvościk daŭžynioj 40 santymietraŭ i vahoj kala 53 hramaŭ tyktokierka kupiła za 263 rubli.

Darečy, vielmi šanujucca niepafarbavanyja vałasy — jany daražejšyja za pafarbavanyja prykładna ŭdvaja. Pry hetym afarboŭkaj ličycca navat toje, kali vy kaliści daŭno vykarystoŭvali taniravany balzam.

Śpiecyjalistka pa naroščvańni raspaviała pra niepryjemny vypadak: dziaŭčyna pryviezła ŭ sałon svaje zahadzia adrezanyja vałasy. Papiarednie pa fota jaje pasmy acanili ŭ 450 rubloŭ.

— Pa fota zdavałasia, što heta vyharałyja vałasy. Ale kali jana ich pryniesła, ja zrazumieła, što jany farbavanyja. Ja ŭ jaje spytała. Kaža: «Tak, kaliści byli taniravanyja, ale pierad zrezkaj užo taniroŭka zmyłasia». Toje, što jana zmyłasia dla vas, nie značyć, što jana zmyłasia dla nas. Kali pakupnik pačnie aśviatlać hetyja vałasy, vaša taniravańnie vylezie.

A pafarbavanyja vałasy aceńvajuć u 200 rubloŭ za 100 hram.

• 0
• 0
• 1
• 5
• 0
• 0
• 0
• 0