Prapahandysty anansavali intervju z usimi palakami, asudžanymi ŭ Biełarusi za špijanaž
Pa Biełaruskim telebačańni pakazali intervju z hramadzianinam Polščy Tomašam Biarozam, jakoha asudzili na 14 hadoŭ kałonii za špijanaž i ahienturnuju dziejnaść. Pry hetym abiacajuć, što na hetym spyniacca nie buduć i nieŭzabavie hierojami ich prapahandysckich materyjałaŭ stanuć i inšyja palaki, jakija znachodziacca ŭ biełaruskich turmach pa padobnych abvinavačańniach.
Tomaša Biarozu, jaki žanaty ź biełaruskaj i žyŭ dy zajmaŭsia biznesam u Kobrynie, zatrymali ŭ žniŭni 2022 hoda. Padčas intervju jon raskazaŭ, što byŭ zatrymany supracoŭnikami milicyi, paśla čaho jaho pieradali ŭ KDB u Breście. U razmovie z prapahandystam jon vykazaŭ škadavańnie ŭ ździejśnienym i skazaŭ, što spadziajecca viarnucca da svajoj siamji, jakaja ciapier žyvie ŭ Polščy.
Taksama Tomaš Biaroza źviarnuŭsia da ŭładaŭ Polščy z prośbaj dapamahčy jamu. Jon paprasiŭ «ludziej, jakija vyrašajuć moj los, pryniać usie miery, kab ja moh viarnucca da svajoj žonki, da svaich dziaciej i kab hety kašmar, jaki pačaŭsia ŭ žniŭni 2022-ha, chutčej skončyŭsia».
Zavierbavali ž Biarozu polskija śpiecsłužby nibyta jašče ŭ 2010 hodzie, kali jon vučyŭsia ŭ Biała-Padlascy.
Prapahandysckaje intervju z Tomašam Biarozam — častka anansavanaj sieryi, u jakoj ułady buduć pakazvajuć źniavolenych palakaŭ, jakija prosiać dapamohi. Jakoj mety hetym jany źbirajucca dasiahnuć i ci źjaŭlajucca hetyja intervju prajavaj niejkich zakulisnych pieramoŭ, jakija viaducca režymam Łukašenki z polskim bokam, skazać pakul ciažka.
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary