U efiry BT vyjšaŭ špijonski film pra asudžanych Dźmitryja Paźniakova i Tomaša Biarozu
Abodva asudžanyja źviazvajucca z Polščaj, i vypusk filma pra ich vidavočna śviedčyć pra žadańnie łukašystaŭ praciahvać hulać na polskim kirunku.
Paźniakoŭ pracavaŭ namieśnikam vajennaha kamiendanta Bresckaj vajennaj kamiendatury, a taksama vykładaŭ na vajennym fakultecie BDU. Jak śćviardžajecca, padčas pajezdki ŭ Polšču jon byŭ zavierbavany tamtejšymi śpiecsłužbami. Vykonvaŭ ich zadańni, pieradavaŭ dakumienty. Sustrakaŭsia z polskimi śpiecsłužbistami padčas vyjezdaŭ na siamiejny adpačynak za miažu. U vyniku atrymaŭ ad palakaŭ kala $60 tysiač.
Kali Paźniakoŭ vyrašyŭ kančatkova źjechać ź Biełarusi, paprasiŭ hrošy na arhanizacyju pierajezdu. Jamu adpravili pa pošcie miakkuju cacku, u jakoj byli zašytyja šeść tysiač dalaraŭ. Heta zrabiŭ jakraz Tomaš Biaroza — hramadzianin Polščy, jaki žyŭ u Biełarusi i pracavaŭ na polskija śpiecsłužby.
U vyniku byli aryštavanyja abodva. Biaroza atrymaŭ 14 hadoŭ za špijanaž. Paźniakovu dali za zdradu dziaržavie 19 hadoŭ.
Aproč taho, pakazali hramadzianina Polščy Ježy Žyvaleŭskaha, jaki žyŭ u Hrodna i nibyta byŭ kantrabandystam. Jon taksama asudžany za špijanaž. Vidać, Biełaruś choča ad Polščy što-niebudź u abmien na jaho.
Andrej Pačobut zastajecca ŭ pamiaškańni kamiernaha typu Navapołackaj kałonii
MZS Polščy adreahavaŭ na chvałaśpievy polskaha akciora na adras łukašenkaŭskaj Biełarusi
«Łukašenka — mańjak ułady, palityčny źvier» — były ambasadar Polščy
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary