Ukrainiec, abvinavačany ŭ teraryźmie pa spravie ab padpale kramy IKEA, u piatnicu ŭ Vilenskim akruhovym sudzie pryznaŭ svaju vinu i vykazaŭ raskajańnie. Prakuratura prosić padoŭžać jahony aryšt, piša LRT.
«Pryznaje vinu, raskajvajecca. Daŭ pakazańni, adkazaŭ na pytańni», — paviedamiŭ BNS prakuror Tomas Ułdukis, jaki pradstaŭlaje dziaržaŭnaje abvinavačańnie.
Pavodle jaho słoŭ, abvinavačany pryznaŭ vinu jašče padčas papiaredniaha rasśledavańnia. Na dadzieny momant 18-hadovy hramadzianin Ukrainy znachodzicca pad vartaj. Prakuratura prosić sud padaŭžać hetuju mieru strymańnia jašče na dva miesiacy.
Rašeńnie pa hetym pytańni čakajecca ŭ paniadziełak.
Małady čałaviek abvinavačvajecca ŭ ździajśnieńni terarystyčnaha aktu, niezakonnym zachoŭvańni vybuchovych rečyvaŭ, nabyćci śpiecyjalnych navykaŭ, a taksama ŭ prybyćci ŭ Litvu i pajezdcy ŭ Łatviju z metaj ździajśnieńnia terarystyčnych aktaŭ. Jak raniej paviedamlała ahienctva BNS, na momant ździajśnieńnia złačynstva abvinavačanamu jašče nie spoŭniłasia 18 hadoŭ, tamu maksimalnaje mahčymaje pakarańnie dla jaho — da 10 hadoŭ pazbaŭleńnia voli, što mienš, čym dla paŭnaletniaha.
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?19
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
A vinavatyja chto? Iznoŭ biełarusy?