Rasijskaje pasolstva raskazała, jak u Biełarusi prajšli «Bieśśmiarotnyja pałki»
Pasolstva Rasii paviedamiła, što 9 maja ŭ Minsku i abłasnych centrach Biełarusi prajšli akcyi «Bieśśmiarotny połk». Pavodle paviedamleńniaŭ u sacyjalnych sietkach pasolstva, šeści adbylisia ŭ Minsku, Breście, Hrodnie, Viciebsku, Homieli i Mahilovie, jany ŭ asnoŭnym byli sumiesnyja ź biełaruskaj «Biełaruś pamiataje».
U Breście ŭ akcyi ŭdzielničali pradstaŭniki tak zvanaj «Łuhanskaj narodnaj respubliki» i akupavanych terytoryj ukrainskaj Zaparožskaj vobłaści.
U Hrodnie, pavodle źviestak rasijskaha pasolstva, na supolnym šeści «Bieśśmiarotnaha pałka» i «Biełaruś pamiataje» sabrałasia kala 25 tysiač čałaviek.
U Viciebsku da sumiesnaj akcyi dałučylisia delehacyi sa Smalenskaj vobłaści i Baškartastana.
U Mahilovie ŭdzielničała aficyjnaja delehacyja sa Smalenskaj vobłaści Rasii.
U Minsku «Bieśśmiarotny połk» prajšoŭ razam ź biełaruskaj akcyjaj «Biełaruś pamiataje», udzielniki ŭskłali kvietki da Viečnaha ahniu na płoščy Pieramohi.
Taksama paviedamlałasia, što na hetyja vychodnyja ŭ Biełaruś pryjechała šmat rasijan, i ŭ Minsku, jak i ŭ inšych haradach, hateli byli amal poŭnaściu zapoŭnienyja.
Ciapier čytajuć
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj18
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary
Hrodno udivił! Ja słyšał, čto tuda v svojo vriemia pieriesielaliś sovietskije oficiery, vychodiaŝije v otstavku. Značit, massovo pieriesielaliś.