Šmat chto łamaŭ hałavu nad adnym i tym ža pytańniem: što takoje sapraŭdy dobry seks i jak jon uparadkavany? Ekśpierty ŭ halinie intymnaha žyćcia apytali tysiaču mužčyn i žančyn, kab vyvieści prostuju, amal matematyčnuju formułu asałody.
Kolki pavinien doŭžycca dobry seks? Heta pytańnie chvaluje miljony par pa ŭsim śviecie. Jak piša Bild.de, adkaz na jaho pasprabavali dać śpiecyjalisty anłajn-płatformy psichičnaha zdaroŭja ZipHealth. U supracoŭnictvie z brytancami i amierykancami jany praviali daśledavańnie, u jakim uziali ŭdzieł 1000 mužčyn i žančyn roznych uzrostaŭ. Vynik — niečakana prostaja, ale źmiastoŭnaja formuła: 15 + 15 + 5.
Što staić za hetaj formułaj?
Daśledavańnie pakazała, što najbolšaje seksualnaje zadavalnieńnie respandenty adčuvajuć pry praciahłaści intymnaj blizkaści ŭ 35 chvilin. Idealnaje raźmierkavańnie hetaha času vyhladaje tak:
15 chvilin — preludyja: pacałunki, piaščoty, stvareńnie nastroju;
15 chvilin — niepasredna pałavy akt;
5 chvilin — piaščotnaje paślasłoŭje, adpačynak razam, abdymki.
Heta nie abstraktnyja ličby. Na dumku apytanych, mienavita takija suadnosiny etapaŭ robić seks nie tolki fizična, ale i emacyjna paŭnavartasnym.
Akramia taho, vyśvietliłasia, što čym daŭžej doŭžyłasia preludyja (bolš za 15 chvilin), tym čaściej žančyny dasiahali arhazmu. Kali ž jana była karaciejšaj, častata arhazmaŭ prykmietna źnižałasia.
Kali ž lepš za ŭsio zajmacca seksam?
Pavodle danych daśledavańnia, 36% apytanych addajuć pieravahu načnomu času, a 39% śćviardžajuć, što paśla zachodu sonca jany zdolnyja daŭžej zachoŭvać uzbudžeńnie, čym udzień.
Cikavy vynik pakazała i hłabalnaje apytańnie brendu nižniaj bializny Pour Moi: pavodle jaje, samy papularny dla seksu čas — subota, 22:09. Vidać, mienavita tady stres pracoŭnaha tydnia słabieje, a ramantyka vychadnych nabiraje siłu.
Ekśpierty rajać param, asabliva žančynam va ŭzroście ad 20 da 29 hadoŭ, rehularna — nie radziej čym raz na čatyry dni — atrymlivać seksualnaje zadavalnieńnie dziela palapšeńnia psichaemacyjnaha i fizičnaha zdaroŭja. Pry hetym zusim nie maje značeńnia, adbyvajecca heta z partnioram ci samastojna: luby sposab ličycca adnolkava karysnym.
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary