Paźniak: Tramp likvidavaŭ usiu hetuju španu, jakaja havoryć pra 160 pałoŭ
Lidar ruchu «Volnaja Biełaruś» Zianon Paźniak daŭ intervju radyjo «Racyja». U im nijak nie mahło abyścisia biez pytańnia, ci nie rasčaravali hetaha biełaruskaha dziejača dziejańni prezidenta ZŠA Donalda Trampa, jakoha Paźniak raniej uvieś čas horača i paśladoŭna padtrymlivaŭ.
Pavodle słoŭ Paźniaka, Tramp jaho nie tolki nie rasčaravaŭ, ale naadvarot, jahonyja dziejańni jon aceńvaje jak vielmi paśpiachovyja, i «heta ŭvohule vialiki prezident».
Vielmi ciešyć vieterana biełaruskaha ruchu toje, što Tramp «pačaŭ ratavać Amieryku i pierajnačvać suśvietny paradak, jaki skłaŭsia vielmi niekarysna dla Amieryki i dla ŭsich astatnich», a ździŭlaje «jaho enierhija, jaho razumieńnie, jaho dakładnaje viedańnie, što treba rabić u hetym hadziučym śviecie».
Paźniak spadziajecca, što dziakujučy enierhii Trampa ŭ ZŠA źniziacca ceny i źmienšacca padatki:
«A ŭ pryncypie, kali ŭsio pojdzie dobra, padatki buduć likvidavanyja ŭ Štatach, ludzi nie buduć płacić padachodnaha padatku da 200 tysiač dalaraŭ u hod. My pracavali ŭ Štatach, niejkija kapiejki atrymlivali, i płacili 30% padatkaŭ. Tramp dla amierykanskaha naroda praz hetyja pošliny choča padatki likvidavać. I tamu narod Trampa padtrymlivaje».
Praŭda, takija pierśpiektyvy nie padabajucca «hetaj usioj libieralnaj publicy», tamu jana i «zalamantavała».
«Tramp usiu hetuju španu, jakaja havoryć pra 160 pałoŭ, usie ichnija ministerstvy adukacyi, jakija zajmajucca razbeščvańniem dziaciej, razbeščvańniem moładzi, a heta amierykanskaje ministerstva adukacyi prydumała i spuskaje ŭ škoły, što dziciatki pavinny vyrašać sami, jakoha jany połu, da kaho ty naležyš, da dziaŭčynki, ci da chłopčyka — a heta źniščeńnie čałaviečaj pryrody i musić być spyniena», — ćviorda pierakanany Zianon Paźniak.
«I za heta ludzi atrymlivali ministerskija hrošy, — aburajecca lidar ruchu «Volnaja Biełaruś». —
Dyk voś, Tramp ich likvidavaŭ. Jany nie patrebnyja ŭ Amierycy. Štaty buduć sami zajmacca adukacyjaj. Tamu heta vialiki čałaviek. Daj Boh jamu zrabić usio, što jon dumaje».
Cichanoŭskaj daviarajuć 83%, Łatušku — 65%, Paźniaku — 13%, Kraŭcovu i Jahoravu — pa 4%
Paźniak pajmienna pieraličyŭ ahienturu
«Navat moj siabar Paźniak mianie ŭžo nie paprakaje». Łukašenka parazvažaŭ pra biełaruski nacyjanalizm i ci chapaje jaho ŭ Biełarusi
Paźniak kaža pra chutkija pieramieny ŭ Biełarusi: Spadziajusia, ja ŭ hetym paŭdzielničaju
Paźniak: Kerałajn Livit — heta prosta znachodka vieku
Kamientary
Raju ŭsim prasłuchać intervju całkam.