Luksiemburh vydzieliŭ 250 tysiač jeŭra na padtrymku biełaruskich palitviaźniaŭ
Luksiemburh vydzieliŭ 250 tysiač jeŭra Mižnarodnamu humanitarnamu fondu. Srodki pojduć na lačeńnie i reabilitacyju palitviaźniaŭ dy represavanych, paviedamiŭ na sustrečy sa Śviatłanaj Cichanoŭskaj vice-premjer i ministr zamiežnych spraŭ Luksiemburha Ksaŭje Bietel.
Śviatłana Cichanoŭskaja sustrełasia ź luksiemburhskim ministram padčas svajho ŭdziełu ŭ ministerskaj sustrečy Rady Jeŭropy, jakaja prachodzić u hetaj nievialikaj zachodniejeŭrapiejskaj krainie.
Na sustrečy baki abmierkavali: šlachi i sposaby vyzvaleńnia biełaruskich palitviaźniaŭ; lehalizacyju biełarusaŭ U Luksiemburhu; upłyŭ na biełaruskuju situacyju raniej pryniatych «Luksiemburhskich rašeńniaŭ» i dalejšuju sumiesnuju pracu; mahčymaść pryznačeńnia śpiecyjalnaha pasłanca pa Biełarusi.
Cichanoŭskaja padziakavała luksiemburhskim uładam za akazanuju finansavuju padtrymku biełaruskim palitviaźniam.
«Heta mocny sihnał padtrymki dla biełaruskaha naroda. My dziakujem Luksiemburhu za pryncypovuju pazicyju, padtrymku na placoŭkach Rady Jeŭropy i AAN. Uniosak u Mižnarodny humanitarny fond dapamoža adnavicca tym, chto prajšoŭ praz turmy, katavańni i pieraśled. Ja zaklikaju Luksiemburh nie spyniacca na hetym — i dalej uzdymać pytańni, datyčnyja Biełarusi, na mižnarodnych placoŭkach. U pryvatnaści, dapamahać šukać šlachi i sposaby vyzvaleńnia palitviaźniaŭ», — zajaviła demakratyčnaja lidarka.
Volha Łojka prapanavała «zakon Cichanoŭskaj» dla čynoŭnikaŭ i patłumačyła, što heta takoje
Cichanoŭskaja — novamu Papu: Vaša słova moža stać hołasam padtrymki dla našych palitviaźniaŭ
Cichanoŭskaja: Rasijskaja apazicyja pavinna dystancyjavacca ad impieryjalistyčnaha naratyvu
«Vyzvaleńnie adnaho — heta krok napierad». Cichanoŭskaja prakamientavała vyzvaleńnie Ziankoviča
Cichanoŭskaj daviarajuć 83%, Łatušku — 65%, Paźniaku — 13%, Kraŭcovu i Jahoravu — pa 4%
Ciapier čytajuć
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
I siadziać bieź pieradač, kali svajaki staryja, chvoryja, i nie mohuć navat dajechać da toj turmy i nie majuć srodkaŭ na pieradačy.