Даказалі толькі, што намеснік начальніка Белчыгункі атрымаў сертыфікаты на 5500 рублёў. Але ўсё адно яму свеціць 15 гадоў
Сяргея Сізіна будуць судзіць за атрыманне невялікага хабару. Але паколькі ён уключаны ў урадавы кадравы рэзерв, то гэта ўсё адно асабліва цяжкае злачынства.
У суд перадалі крымінальную справу намесніка начальніка Беларускай чыгункі Сяргея Сізіна. Яго абвінавачваюць у атрыманні хабару (частка 3 артыкула 430 КК), паведамляе прэс-служба Генпракуратуры.
Мужчыну арыштавалі ў ліпені 2024 года. Невядома, якое ў Сізіна было стартавае абвінавачванне, але да суда дайшоў толькі хабар на суму 5500 рублёў — трохі больш за $1500.
Як сцвярджаецца, такую дробную суму — як для сваёй пасады — Сізін атрымаў за тое, што «абяцаў садзейнічаць у правядзенні тэхнічных выпрабаванняў і конкурсных працэдур пры закупцы рэек, а таксама за забяспечваць своечасовую аплату тавараў».
Для параўнання, першаму намесніку Белчыгункі Пятру Дулубу, па меркаванні сілавікоў, заплацілі $370 тысяч. А вось Сізіну — 5500 рублёў, дый тыя не грашыма, а сертыфікатам на пакупку бытавой тэхнікі.
Аднак паколькі пасада намесніка Белчыгункі ўваходзіць у кадравы рэестр Савета міністраў, дзеянні Сізіна кваліфікаваныя як атрыманне хабару асобай, якая займае адказнае становішча. А значыць, яму пагражае ад 5 да 15 гадоў зняволення.
У красавіку паведамлялася аб затрыманні трох менеджараў Беларускай чыгункі. У кастрычніку мінулага года — аб затрыманні яшчэ трох чалавек з упраўлення БЧ і Цэнтра кіравання перавозкамі.
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла20
Каментары
Хотя перед этим общак изъяли в виде наличности на в десять раз большие суммы.
Боюсь, что «общую кассу» просто конфискуют и мы никогда не узнаем, чья она была.