Zialenski adpraŭlaje pieramaŭlacca ź Miadzinskim delehacyju na čale z Umieravym
Ukraina nakiroŭvaje svaju delehacyju na pieramovy z Rasijaj u Stambuł. Uznačalić jaje ministr abarony Rustem Umieraŭ, zajaviŭ prezident Ukrainy Uładzimir Zialenski.
Pa słovach Zialenskaha, jon vyrašyŭ adpravić pierahavorščykaŭ u Stambuł z pavahi da prezidenta ZŠA Donalda Trampa i prezidenta Turcyi Redžepa Taipa Erdahana.
«Niahledziačy na nievysoki ŭzrovień delehacyi RF, adnak z pavahaj da ZŠA i Erdahana, ja vyrašyŭ adpravić u Stambuł našu delehacyju, ale nie ŭsich», — zajaviŭ Uładzimir Zialenski.
Taksama prezident Ukrainy skazaŭ, što Rasija «niesurjozna» stavicca da pieramoŭ, pra što śviedčyć uzrovień jaje delehacyi.
Pavodle jaho słoŭ, hałoŭny pryjarytet dla Kijeva — spynieńnie ahniu:
«Ukraina zacikaŭlenaja, my damovilisia z Erdahanam. Naša hrupa i tureckaja hrupa buduć prysutničać. Budzie sustreča i z amierykanskimi partniorami i rasiejskim bokam. My budziem kanstruktyŭnymi i budziem prysutničać u roznych farmatach».
U toj ža čas bolš pradstaŭničaja ŭkrainskaja delehacyja zastaniecca na ŭsialaki vypadak ŭ Stambule i zaŭtra. Zialenski pa-raniejšamu hatovy da pramych pieramoŭ niepasredna z prezidentam Rasii Uładzimiram Pucinym.
Učora stała viadoma, što delehacyju Rasii na mierkavanych pieramovach uznačalić pamočnik prezidenta Uładzimir Miadzinski.
Ciapier čytajuć
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy7
Kamientary