Takija tempy stali rekordnymi z časoŭ kultu asoby savieckaha lidara, piša telehram-kanał «Možiem objaśniť».
Napiaredadni hareljef «Padziaka naroda pravadyru-pałkavodcu», źniščany pry Chruščovie, byŭ adnoŭleny na stancyi «Tahanskaja» i staŭ užo siomaj fihuraj Stalina, ustalavanaj u krainie za hety maj. Heta absalutny rekord pa tempach uźviadzieńnia pomnikaŭ Stalinu z časoŭ kultu asoby.
Za majskija śviaty fihury Stalina źjavilisia ŭ piaci nasielenych punktach — Sierpuchavie, Ułan-Ude, Mažajsku, vioscy Amirova i pasiołku Kadui, a taksama ŭ akupavanym Mielitopali.
Bolšaść adkryćciaŭ była prymierkavana da 80-hodździa Pieramohi.
Pry hetym u šerahu vypadkaŭ miascovyja žychary nie padtrymali inicyjatyvu stalinistaŭ; naprykład, žychary vioski Amirova ŭ Baškiryi prahałasavali suprać ustalavańnia biusta, ale heta nie pieraškodziła płanam miascovych uładaŭ — biust tolki farmalna pieranieśli na pryvatnuju terytoryju.
2025 hod užo pretenduje na lidarstva pa kolkaści ŭstalavanych pomnikaŭ Stalinu. Pavodle statystyki, jakuju viadzie «MO», za niapoŭnyja 5 miesiacaŭ u krainie adkryli vosiem fihur pravadyra (siem — u mai i adnu raniej). Bolš pomnikaŭ źjaŭlałasia tolki ŭ 2016 hodzie (dzieviać) i ŭ 2019-m (trynaccać).
Usiaho ŭ Rasii, pavodle padlikaŭ «MO», ustalavana ŭžo 123 pomniki Stalinu. Pry hetym 90% ź ich byli adkryty pry Pucinie.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary