Kiraŭnik Armianskaj apostalskaj carkvy (AAC) Harehin II 17 maja nakiravaŭsia ŭ Minsk, paviedamlaje infarmahienctva «Naviny Armienii». Pavodle jaho infarmacyi, 18 traŭnia katalikos usich armian uznačalić cyrymoniju aśviačeńnia pieršaha ŭ Biełarusi chrama hetaj staražytnaŭschodniaj mijafizickaj carkvy, piša «Pozirk».
Adznačajecca, što vizit projdzie pa zaprašeńni Rasijskaj i Nova-Nachičevanskaj jeparchii AAC, u jurysdykcyju jakoj uvachodziać Biełaruś, Kazachstan, Kyrhyzstan, Małdova, Rasija (bolšaja častka), Tadžykistan, Turkmienistan i Uźbiekistan.
Dziaržahienctva BiełTA sa spasyłkaj na namieśnika ŭpaŭnavažanaha pa spravach relihij i nacyjanalnaściaŭ Siarhieja Hierasimieniu paviedamiła, što dla Biełarusi pryjezd Harehina II značny, pakolki heta pieršy ŭ historyi krainy vizit kiraŭnika AAC.
Pavodle słoŭ čynoŭnika, chram, jaki aśviacić ijerarch, pabudavany za try hady na vulicy Filimonava ŭ Minsku siłami armianskaj supolnaści.
«Chram Śviatoha Hryhoryja Aśvietnika Armianskaj apostalskaj carkvy nievialiki. Jon raźličany na adnačasovaje naviedvańnie 75 prychadžan. Ahułam u našaj krainie žyvie kala 9 tysiač armian, dziejničajuć šeść nacyjanalna-kulturnych hramadskich abjadnańniaŭ armianskich supolnaściaŭ», — zajaviŭ Hierasimienia.
6 vieraśnia 2024 hoda kiraŭnik MZS Maksim Ryžankoŭ i staršynia Minharvykankama Uładzimir Kucharaŭ naviedvali miesca budaŭnictva armianskaj carkvy ŭ stalicy i sustrakalisia z pradstaŭnikami armianskaj dyjaspary.
Razam z tym na ŭzroŭni ŭładaŭ u Biełarusi i Armienii abvostranyja stasunki — faktyčna praz supracu Minska i Baku, u tym liku ŭ vajskovaj śfiery, rytoryku pa situacyi vakoł Nahornaha Karabacha.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary