Cichanoŭskaja siadzić za adnym stałom z kiraŭnikami dziaržaŭ na samicie ŭ Ałbanii
U Tyranie sabralisia lidary 47 krain i kiraŭniki najbujniejšych mižnarodnych arhanizacyj.
Šosty samit Jeŭrapiejskaj palityčnaj supolnaści adbyvajecca ŭ ałbanskaj Tyranie. Na im prysutničajuć kiraŭniki 47 jeŭrapiejskich krain i pradstaŭniki ES, NATA, Rady Jeŭropy i ABSIE.
Śviatłana Cichanoŭskaja, jakaja ŭdzielničaje ŭ samicie ŭ jakaści hości, prysutničaje na sustrečy razam z prezidentam Ukrainy Uładzimiram Zialenskim, prezidentam Francyi Emanuelem Makronam, kancleram Hiermanii Frydrycham Miercam, prezidentam Turcyi Radžepam Erdahanam, prezidentam Azierbajdžana Ilcham Alijevym i inšymi.
Adnym ź pieršych palitykaŭ, z kim pierasiakłasia Cichanoŭskaja, staŭ Zialenski:
«Razmova, zrazumieła, išła pra toje, jak spynić vajnu i jak dalej budavać adnosiny ŭ novych suśvietnych realijach», — havorycca ŭ paviedamleńni Ofisa Cichanoŭskaj pra sustreču ź Zialenskim.
Zhodna płanu rassadki, za pieramoŭnym stałom Cichanoŭskaja siadzić pobač z hienieralnym sakratarom Savieta Jeŭropy Alenam Biersie.
Kamientary