Dziaržaŭny sakratar ZŠA Marka Rubia zajaviŭ, što amierykanskaja administracyja praciahvaje pracavać nad arhanizacyjaj asabstaj sustrečy amierykanskaha prezidenta Donalda Trampa i rasijskaha kiraŭnika Uładzimira Pucina, piša Bi-bi-si.
15 maja Tramp zajaviŭ, što da jahnajo asabistaj sustrečy z Pucinym realny prahres u pytańni ŭstanaŭleńnia miru va Ukrainie niemahčymy. U paniadziełak Tramp abiacaŭ pravieści z Pucinym telefonnuju razmovu, a zatym stelefanavacca z Uładzimiram Zialenskim i pradstaŭnikami krain NATA.
«Urešcie, adna z rečaŭ, jakija dapamohuć vyjści z hetaha tupika, vierahodna, adzinaja reč — heta pramaja razmova pamiž prezidentam Trampam i Uładzimiram Pucinym», — skazaŭ Rubia ŭ efiry teleprahramy CBS Face the Nation.
Rubia taksama spytali, ci idzie ŭžo padrychtoŭka da takoj sustrečy.
«My, zrazumieła, zrabili takuju prapanovu, prezident jaje ŭžo zrabiŭ publična, — adkazaŭ kiraŭnik Dziarždepa ZŠA. — Techničnyja detali takoj sustrečy zapatrabujuć niekatoraj pracy.
Mahu skazać, što prosta ciapier usio heta płanujecca — z punktu hledžańnia vybaru miesca i daty. Ale prezident choča jaje pravieści, pravieści tak chutka, jak budzie mahčyma. Ja dumaju, što rasijski bok taksama vykazaŭ žadańnie zrabić heta. I ciapier pytańnie tolki ŭ tym, kab usich źvieści razam, vyrašyć, dzie i kali».
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»12
Kamientary