Piłot Lufthansa straciŭ prytomnaść u pavietry. Samalot 10 chvilin lacieŭ biez kiravańnia
Padčas rejsa avijakampanii Lufthansa z Frankfurta ŭ Sievilju samalot Airbus A321 kala dziesiaci chvilin lacieŭ bieź dziejazdolnaha piłota. Jak vynikaje z apublikavanaj spravazdačy ispanskaj kamisii pa rasśledavańni avijacyjnych zdareńniaŭ, incydent zdaryŭsia 17 lutaha 2024 hoda na vyšyni 10 700 mietraŭ, piša Bild.
Kapitan samalota pakinuŭ kabinu dla naviedvańnia tualeta, paśla čaho druhi piłot raptam straciŭ prytomnaść — jak miarkujecca, u vyniku prystupu. Aŭtapiłot praciahvaŭ utrymlivać kurs, ale z-za pastavy cieła piłota, jaki znachodziŭsia biez prytomnaści, samalot trochi adchiliŭsia ad kursu.
Sproby kapitana viarnucca ŭ kabinu nie mieli pośpiechu: dźviery zabłakavalisia, a ŭvachodny kod nie spracavaŭ, bo druhi piłot nie moh paćvierdzić dostup.
Praz vosiem chvilin druhi piłot aprytomnieŭ i adčyniŭ dźviery ŭručnuju. Kapitan nieadkładna pryniaŭ kiravańnie i vyrašyŭ ździejśnić ekstrannuju pasadku ŭ Madrydzie, pakolki jaho kaleha byŭ «bledny, pacieŭ i pavodziŭ siabie dziŭna».
Užo ŭ aeraporcie paciarpiełym zanialisia lekary. U spravazdačy havorycca, što pryčynaj straty prytomnaści stała raniej nie dyjahnastavanaja nieŭrałahičnaja chvaroba.
Prajekt zajšoŭ u tupik? Što z samalotam, jaki chacieli vypuskać u Biełarusi
«Papierka, a nie padstava dla vyjezdu». Biełarusa z polskim prajaznym dakumientam nie puścili na samalot
«Mianie kałaciła, ciakli ślozy». Samalot «Biełavija», jaki lacieŭ z Bresta ŭ Antalju, pryjšłosia raźviarnuć nad Rasijaj
«Biełavija» zapuskaje na samalotach multymiedyjnuju sistemu dla pasažyraŭ
Ciapier čytajuć
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej13
Na kupianskim kirunku zahinuŭ biełaruski dobraachvotnik Alaksiej «Ryžy» Aŭdziej
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary
Navat bolš, aŭtapiłot mianiaje ci ihnaruje kiravańnie piłota, kali kampjutar vyrašyć, što piłot pamylajecca. I kampjutar navat sam pieradaść kiravańnie inšamu kampjutaru, kali zasumniavajecca ŭ pravilnaści svaich ža rašeńniaŭ. Mienavita tamu avijatranspart samy biaśpiečny transpart.
Pa-sutnaści sučasny piłot kiruje nie samalotam, a tolki daje kamandy kampjutaru (aŭtapiłotu), jaki ŭžo sam kiruje samalotam.
Sučasnyja samaloty hadzinami iduć biez ŭdziełu piłotaŭ, sami zachodziać na pasadku i sadziacca.
Tym bolš airbus, jaki fłahman takich raspracovak.