Vyniki ŭciečak, jakija źjavilisia ŭ ŚMI paśla pieramoŭ Rasii i Ukrainy, dazvalajuć skłaści śpis umoŭ, na jakich Maskva hatovaja spynić vajnu suprać Kijeva, piša «Ahientstvo».
Rasijskaja delehacyja na čale z Uładzimiram Miadzinskim (druhi źleva) na pieramovach u Stambule. Fota: Arif Hudaverdi Yaman/Anadolu via Getty Images
Umovy Rasii:
1. niejtralitet Ukrainy — zabarona na ŭstupleńnie ŭ NATO i inšyja vajennyja sajuzy;
2. adsutnaść zamiežnych vojsk na terytoryi krainy;
3. zabarona na najaŭnaść zbroi masavaha paražeńnia na terytoryi Ukrainy;
4. Ukraina pavinna admovicca ad patrabavańnia reparacyj;
5. pieradača Rasii čatyroch anieksavanych u 2022 hodzie abłaściej u miežach, jakija hetyja rehijony mieli jak častka Ukrainy;
6. Rasija patrabuje pieradać joj hetyja čatyry vobłaści nieadkładna, inakš pahražaje zachapić dadatkovyja — u tym liku Charkaŭskuju i Sumskuju;
7. Maskva damahajecca mižnarodnaha pryznańnia ŭsich piaci anieksavanych rehijonaŭ (uklučajučy Krym);
8. Pucin zhodzicca na režym spynieńnia ahniu tolki paśla vyvadu ukrainskich vojskaŭ z anieksavanych terytoryj i faktyčnaj ich zdačy.
Častka hetych patrabavańniaŭ (naprykład, vyvad USU z anieksavanych rehijonaŭ u miežach ich ukrainskich administracyjnych hranic) adpaviadaje tym, jakija Pucin ahučvaŭ u červieni 2024 hoda.
Umovy Maskvy nie supadajuć z płanam Biełaha doma pa mirnym urehulavańni. Pavodle amierykanskaha bačańnia, pieramovy pavinny pačacca sa spynieńnia ahniu. U dakumiencie taksama havorycca, što ZŠA hatovyja pryznać Krym rasijskim tolki jurydyčna, a astatnija terytoryi — de-fakta pad kantrolem Rasii. Pry hetym Ukraina, pavodle płana Donalda Trampa, pavinna adnavić kantrol nad Charkaŭskaj vobłaściu.
ZŠA nastojvajuć na pastupovym urehulavańni z akcentam na humanitarnyja pytańni, ale kančatkovaje pahadnieńnie pakul vyhladaje niedasiahalnym praz pryncypovuju roźnicu pazicyj bakoŭ.
Ciapier čytajuć
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień10
Kamientary
I nichto nie rastłumačyć sutnaść rasijskaha impieryjalizmu lepš za samich rasijskich impieryjalistaŭ.
Publičnaje i mižnarodnaje zhadvańnie reparacyj śviedčyć pra asensavanaść imi zroblenaha.
Sutnaść rasijskaha impieryjalizmu z dypłamatyčnych kułuaraŭ treba vyvodzić ŭ miedyjapole.
Heta dazvolić palitykam Jeŭropy trymać ćviorduju liniju i što samaje važnaje - spravazdačycca pierad svaimi vybarščykami.
( Tut zhoda z Trampam jość, jon užo ab hetym kazaŭ)
2. adsutnaść zamiežnych vojsk na terytoryi krainy;
( Tak nichto i nie rviecca z zamiežnych vojsk na dapamohu Ŭkrainie)
3. zabarona na najaŭnaść zbroi masavaha paražeńnia na terytoryi Ukrainy;
( Nie zusim zrazumieła ab čym heta)
4. Ukraina pavinna admovicca ad patrabavańnia reparacyj;
( Nu tut davoli prosta, kab patrabavać reparacyi, treba pieramahčy )
5. pieradača Rasii čatyroch anieksavanych u 2022 hodzie abłaściej u miežach, jakija hetyja rehijony mieli jak častka Ukrainy;
( heta duraść, razumniej pa linii sutyknieńnia +- paru km kali nieabchodna)
6. Rasija patrabuje pieradać joj hetyja čatyry vobłaści nieadkładna, inakš pahražaje zachapić dadatkovyja — u tym liku Charkaŭskuju i Sumskuju;
( heta imperskaja barzata, da i mocy im nie chopić heta zrabić, albo zrabić chutka)
7. Maskva damahajecca mižnarodnaha pryznańnia ŭsich piaci anieksavanych rehijonaŭ (uklučajučy Krym);
( Tramp i Kitaj moža i pryznać, ale ž Eŭropa naŭradci)
8. Pucin zhodzicca na režym spynieńnia ahniu tolki paśla vyvadu ukrainskich vojskaŭ z anieksavanych terytoryj i faktyčnaj ich zdačy.
( Taksama duraść)