Minadukacyi rekamienduje krucić na školnych vypusknych pieśni niaviestki Łukašenki
Ministerstva prosić nasycić pačatak vypusknych «pieśniami patryjatyčnaj skiravanaści».
Ministerstva adukacyi skłała śpis piesień, jakija rekamiendujecca krucić na školnych vypusknych viečarach. U śpisie jość i, jak minimum, try kampazicyi, jakija napisała niaviestka Łukašenki Hanna Siałuk.
Śpis apublikavała hrodzienskaja danosčyca Volha Bondarava. Jaje aburyła, što tam jość kampazicyi błohieraŭ Dzim Dzimyča i Kabiakova, ź jakimi jana daŭno vajuje. A taksama niekatorych rasijskich artystaŭ, typu Dzimy Biłana i Kirkorava, jakich jana abvinavačvaje ŭ prapahandzie «niapravilnych kaštoŭnaściej».
Ale jość i inšy momant. Siarod ruskaj popsy jość pieśni Hanny Błahavaj — śpiavajučaj milicyjantki i byłoj žonki eks-palitźniavolenaha Siarhieja Hunia. Błahava, jak viadoma, aktyŭna supracoŭničaje z Hannaj Łukašenkaj, žonkaj Dźmitryja Łukašenki. Jany ŭžo niekalki hadoŭ źbirajuć uznaharody na «Pieśni hoda». Voś i ŭ śpisie dla vypusknych jość, jak minimum, adna pieśnia Błahavaj, tekst jakoj napisała Hanna Siałuk — «V siužietie imieni mienia».
Akramia taho, vypusknikam rekamiendujuć uklučać «Zroblena ŭ Biełarusi» Alaksandry Mielech i «Što ty zrabiŭ dla Radzimy?» — heta taksama pieśni niaviestki Łukašenki.
Minadukacyi stroha rekamienduje arhanizataram vypusknych «nasycić pačatak muzyčnaj prahramy tvorami patryjatyčnaj nakiravanaści», a pieśni biełaruskich vykanaŭcaŭ raŭnamierna raźmiarkoŭvać u prahramie. Siarod biełaruskich kampazicyj, darečy, adrazu piać piesień Nasty Kraŭčanki— jaje adpraŭlajuć vajavać z Šamanam za pieramohu na «Interbačańni».
Darečy, adsutnaść hetaha samaha Šamana vielmi zasmuciła Bondaravu. Jana źviartajecca da ŭładaŭ, čamu ŭ śpisie Kirkoraŭ i Biłan jość, a hałoŭnaha Z-śpiavaka — niama.
Akramia śpisa rekamiendavanych piesień, vypusknikam razasłali i stop-list z 87 hurtoŭ i artystaŭ, tvorčaść jakich na vypusknych nie vitajuć. U śpis trapili braty Valeryj i Kanstancin Mieładze, Viera Brežnieva, Vierka Siardziučka, «Bi-2», «Animal DžaZ», «#2maši», hurt «Niervy» i inšyja.
«Tandem, jaki robić mocnyja chity». Hanna Siałuk i Hanna Błahava pradstavili novuju «patryjatyčnuju» pieśniu
Byłuju žonku palitviaźnia, jakaja śpiavaje pieśni Hanny Siałuk, ušanavali na «Pieśni hoda»
«Sam prapanavaŭ joj vyjści na Hannu Siałuk». Palitviazień raskazaŭ pra svaju byłuju žonku — śpiavačku ź milicejskimi pahonami
Łukašenka daŭ svajoj niaviestcy miedal Francyska Skaryny
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks18
Kamientary
Łukašienko.Takoho izdievatielstva nie było, dažie, v SSSR