Tyraž novaj knihi Sašy Filipienki pa-biełarusku razabrali za tydzień
U vydaviectvie kažuć, što asobnikaŭ «Słana» pa-biełarusku ŭ ich zastałosia da kanca dnia.
15 maja raman Sašy Filipienki «Słon» vyjšaŭ na biełaruskaj movie ŭ vydaviectvie Gutenberg, a 22 maja šef-redaktarka vydaviectva Valancina Andrejeieva paviedamiła, što knih u ich zastałosia da kanca siońniašniaha dnia.
Tyraž «Słana» pa-biełarusku składaŭ 1000 asobnikaŭ. Pałova była raskuplenaja pa pieradzamovie, astatniaje — roźnica i aptovyja zakazy kram u Jeŭropie. Štodzień vydaviectva adpraŭlaje prykładna pa 50 pasyłak u dzień — i ŭ 9 z 10 biełaruskamoŭny «Słon», raskazvaje Valancina Andrejeva.
«Filipienka zaŭsiody dobra kuplali. Naprykład, letaś «Byłoha syna» taksama razabrali chutka. Ale ŭ hetym hodzie «Słon» pabiŭ rekord. U tym liku z-za aptovych zakazaŭ».
Na prezientacyi ramana ŭ Varšavie knih chapiła nie ŭsim, arhanizatary padvozili druhuju partyju. Va Urocłavie na prezientacyi ŭ zali na 100 haściej kupili 89 asobnikaŭ.
Užo zamovili druk druhoha nakładu knihi — jon čakajecca da 6 červienia.
Ciapier «Słon» pa-biełarusku dastupny ŭ niekalkich anłajn-kramach i na budučych prezientacyjach ramana. Bližejšyja sustrečy z Sašam Filipienkam projduć u Krakavie 22 traŭnia, u Ryzie — 23 traŭnia, u Vilni — 25 traŭnia, u Bierlinie — 25 traŭnia.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary
https://dck8xvlq18iei.cloudfront.net/367120
, Filipienka pryznaŭsia, što na biełaruskamoŭnych vydańniach troch svaich knih zarabiŭ za adzin hod ažno 148 jeŭra. Zaraz vypusk biełaruskamoŭnaha vydańnia "Słana" maje šaniec vypravić hetuju haniebnuju statystyku. A moža j nie, kali nievierahodnyja buduć ihnaravać biełaruskamoŭnaje vydańnie i čakać rasiejskamoŭnaje..."
Ja rady bačyć, što moj prahnoz spraŭdziŭsia. Vydaviectva prosta pierastrachavałasia z vybranym pamieram nakładu, i nia maje sensu jaho vinavacić. Adsutnaść rasiejskamoŭnaha vydańnia na dadzieny momant sapraŭdy spryjaje prodažam biełaruskamoŭnaha vydańnia.