Na pasadu prezidenta Mižnarodnaha alimpijskaha kamiteta (MAK) abranaja dvuchrazovaja alimpijskaja čempijonka Kirści Kovientry ź Zimbabve. Jana zastupić na pasadu 24 červienia 2025 hoda i źmienić niemca Tomasa Bacha, jaki ŭznačalvaŭ MAK z 2013-ha.
20 sakavika ŭ Hrecyi prachodzić 144-ja siesija Mižnarodnaha alimpijskaha kamiteta (MAK), u ramkach jakoha 109 členaŭ arhanizacyi abirali na tajemnym hałasavańni novaha prezidenta MAK. Im stała dvuchrazovaja alimpijskaja čempijonka pa płavańni i ministr pa spravach moładzi, sportu, mastactva i adpačynku Zimbabve Kirści Kovientry, jakaja raniej uznačalvała kamisiju spartsmienaŭ MAK.
Na hetuju pasadu taksama pretendavali
- prync Iardanii Fiejsał al-Chusiejn, jaki źjaŭlajecca členam vykankama MAK;
- kiraŭnik Mižnarodnaj asacyjacyi lohkaatletyčnych fiederacyj (World Athletics) Siebaśćian Kou;
- prezident Mižnarodnaj fiederacyi łyžnaha sportu i snoŭborda (FIS) Jochan Elijaš;
- prezident Mižnarodnaha sajuza viełasipiedystaŭ (UCI) David Łaparćjan;
- vice-prezident MAK Chuan Antonia Samaranč-małodšy;
- prezident Mižnarodnaj fiederacyi himnastyki (FIG) Marynary Vatanabe.
Kirści Kovientry źmianiła Tomasa Bacha, jaki ŭznačalvaŭ MAK z 2013 hoda. U žniŭni 2024 hoda Bach zajaviŭ, što nie budzie bałatavacca na novy termin. Jon pakinie svaju pasadu 23 červienia, a taksama pierastanie być členam MAK.
Kovientry vystupaje za źmiakčeńnie spartyŭnych sankcyj suprać Rasii i Biełarusi.
«Ja dumaju, abaviazak MAK — zabiaśpiečyć udzieł u Alimpijadzie ŭsich atletaŭ. Nam treba pry hetym znajści sposab, kab u Alimpijadzie vystupali atlety z zon kanfliktaŭ. Ja maju na ŭvazie i kanflikty z majho kantynienta, a nie tolki bolš bujnyja vojny ŭ Jeŭropie ci na Blizkim Uschodzie. Kaliści heta mahło zakranuć mianie asabista praz palityku aparteidu. Mižnarodnaj supolnaści było prosta nie dapuścić nas, i ja nie viedaju, dzie b ja była, kali b mianie nie dapuskali. Nam treba razhladać roznyja ŭmovy, jak my heta rabili ŭ Paryžy, ale hałoŭnaje — my pavinny zabiaśpiečyć udzieł spartsmienaŭ z usiaho śvietu i z zon kanfliktaŭ», — zajaviła jana.
Mižnarodnaja fiederacyja baskietboła praciahnuła adchileńnie biełarusaŭ ad mižnarodnych spabornictvaŭ
Mižnarodny sajuz bijatłanistaŭ pakul nie abmiarkoŭvaje viartańnie biełarusaŭ i rasijan na svaje spabornictvy
MAK pryznaŭ lehitymnaść Viktara Łukašenki i vybaraŭ u NAK Biełarusi
Viktar Łukašenka pieraabrany na pasadu prezidenta NAK
Kamientary
Nu choť odin užie "najełsia" i nie stał dieržaťsia "posinievšimi" palcami" za kriesło!