Prajekt Veha ŭžo bolš za piać hadoŭ źbiraje staryja zdymki. Heta publičny adkryty ličbavy fotaarchiŭ, jaki maje na mecie stvaryć alternatyŭny miechanizm zachavańnia frahmientaŭ biełaruskaj historyi — «toj niabačnaj historyi, jakaja redka traplaje ŭ padručniki». Na siońniašni dzień bolš za 2 000 čałaviek dasłali Veha fatahrafii dla piaci tematyčnych kalekcyj.
Pra prablemu, ź jakoj sutyknułasia inicyjatyva Veha Archive, napisaŭ kulturny antrapołah Ściapan Sturejka na svajoj staroncy ŭ fejsbuku:
«Ja dumaju, šmat chto čuŭ, prynamsi krajem vucha, pra inicyjatyvu Veha Archive, jakaja zajmajecca zboram biełaruskaj viernakularnaj fatahrafii. U ich užo było niekalki paśpiachovych prajektaŭ, jakija supravadžalisia publikacyjaj pryhožych prafiesijnych fotaalbomaŭ. Naprykład, «Dziavočy viečar», pryśviečany biełaruskim viasiellam, ci «Apošni fotazdymak», pryśviečany pachavańniam. Zaraz jany źbirajuć materyjały dla prajekta «Ruiny Biełarusi», i sutyknulisia ź niečakanaj prablemaj.
Ruin u Biełarusi ahramadnaja kolkaść, jak i ichnich fotak, ale ž niedastatkova zdymkaŭ, zroblenych zvyčajnymi ludźmi padčas padarožžaŭ ci niejkich zvyčajnych uračystaściaŭ. Takich zdymkaŭ, kab tam byli žyvyja čałaviečyja tvary i emocyi. A mienavita jany i jość tym, što ciapier u pošuku».
Jak dasłać svaje fotazdymki?
Adskanavanyja fotazdymki ŭ dobraj jakaści (minimum 2500 px) z podpisam: «Hod? Miesca? Kamu naležyć archiŭ?» nieabchodna dasłać na poštu [email protected]
«Ruiny Biełarusi» — kalekcyja, jakaja raskazvaje pra los našych kamianic. U svoj čas usie budovy Biełarusi byli pad pahrozaj źniščeńnia — vojny, niadbajnaść, dziaržaŭny hvałt rujnavali zamki i kaścioły, ratušy i cerkvy, sinahohi i chaty. Mnostva ich źnikła bieź śledu na ziamli, ale zastałosia na fotazdymkach.
Jość i vyratavanyja, jany stvarajuć našaje asiarodździe, uvasablajuć historyju daŭniny. Inšyja praciahvajuć razburacca i patrabujuć našaj dapamohi, kab nie źniknuć kančatkova. Na fotazdymkach my bačym i ludziej, da hetych kamianic datyčnych.
Adny fatahrafujucca na tle ruin, bo chočuć dakranucca da vysakarodnaj daŭniny ci zachavać pamiać pra miłyja miaściny, a inšyja ździekujucca sa zrujnavanych haradoŭ, kudy pryjšli jak akupanty. Tak fotazdymki raskazvajuć nam i pra krochkaść śvietu, dzie ŭčorašni niepachisny mur lažyć pad nahami, ale i pra tryvałaść pamiaci, kali praz zabyćcio i zaniadbańnie ludzi viartajucca da kamianioŭ svajoj Radzimy», — napisana na sajcie Veha Archive.
Fotaarchiŭ Veha zaprašaje padzialicca siamiejnymi fotazdymkami
Archiŭ VEHA raspačynaje novy prajekt — «Ruiny Biełarusi»
Vychodziać u śviet «Ludzi Lesu» — čaćviortaja kniha fotaarchiva VEHA
«Sprava kožnaha». Čamu treba pašukać u siamiejnym fotaarchivie zdymki pra les i trapić ź imi ŭ knihu
«Vielmi padobnyja abrady — kvietki i miesca zbora svajakoŭ». Vyjšli knihi viasielnaj i pachavalnaj biełaruskaj fatahrafii
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi6
Kamientary