Cichanoŭskaja: Davajcie razam pakazvać dzieciam, što svaboda i spraviadlivaść zajmajuć važnaje miesca ŭ našym žyćci
Śviatłana Cichanoŭskaja ŭ Dzień abarony dziaciej źviarnułasia da biełarusaŭ z pasłańniem pra toje, jak režym u Biełarusi ŭpłyvaje na budučyniu krainy i jak my ŭsie možam abaranić dziaciej ad niespraviadlivaści, strachu i prapahandy.
Śviatłana Cichanoŭskaja padzialiłasia asabistaj historyjaj.
«Na pytańnie da maich dziaciej, pra što jany marać, maja dačka Ahnija adkazvaje: «Kab tata viarnuŭsia». I dadaje: «Ci kab da jaho našy listy dajšli». A Karniej sumuje pa našych siamiejnych pajezdkach na lecišča i baćkinych šašłykach, chacia jašče piać hadoŭ tamu narakaŭ i skardziŭsia, što nie choča vyjazdžać z horada. Voś užo piać hadoŭ maje dzieci žyvuć i marać pra toje, što pavinna być naturalnaj častkaj dziacinstva.
Ja viedaju, što pra padobnaje marać i inšyja dzieci, čyje siemji raździaliŭ režym — znoŭ być razam, znoŭ pačuć darahi hołas», — kaža Cichanoŭskaja.
U Dzień abarony dziaciej jana raskazvaje, jak dziaržava razłučaje dziaciej z baćkami, pra inšyja ciažkaści, ź jakimi sutykajucca siońnia dzieci.
«Prapahanda ŭ škołach, prymusovyja zbory ŭ padtrymku režymu, zahon u BRSM i ŭdzieł u jahonych varjackich akcyjach. A mnohich dzietak uvohule nie biaruć u siekcyi ci kružki tolki tamu, što ich siemji pryznanyja «niebłahonadiežnymi», bo ich baćki mieli śmiełaść vykazacca suprać niespraviadlivaści…
Režym vymušaje dziaciej bajacca, maŭčać i achviaravać svaimi žadańniami na karyść uład. Režym vučyć ich być cichimi, «nie vysoŭvacca», imkniecca ŭkaranić dumku, što ŭsio vyrašajuć «ludzi naviersie», — kaža jany
Jana zaklikaje baćkoŭ abaraniać dziaciej ad ckavańnia z boku «ideałahičnych» nastaŭnikaŭ, vučyć dziaciej havaryć na rodnaj movie, a nie saromiecca jaje.
«Tłumačyć, što značyć talerantnaść. Zaachvočvać pytańni, cikavaść, žadańnie raźbiracca ŭ tym, što adbyvajecca navokał. Kali my chočam, kab dzieci raśli ŭ krainie biez strachu, z pravam na hołas, davajcie razam pakazvać im, što svaboda i spraviadlivaść zajmajuć važnaje miesca ŭ našym žyćci. Davajcie vučyć ich kłopatu pra blizkich, pavazie i śmiełaści być saboj», — zaklikaje Cichanoŭskaja.
-
Mackievič: Statkievič maralna pieramoh, ale ž mianie prosta biesić voś hetaja «maralnaja pieramoha»
-
«Niama dokazaŭ» i «adpracoŭka błakady Kalininhrada». Što pišuć aficyjnyja ŚMI pra zondy i zakryćcio miažy
-
«Šary zapuskajuć i z aŭtamabilnych pryčepaŭ». Były kantrabandyst tłumačyć, čamu cyharety ŭ Litvu ŭsio čaściej pierakidajuć na mieteazondach
Ciapier čytajuć
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP15
Kamientary