Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
Juryj Mielnikaŭ całkam adbyŭ svoj termin, ale jaho nie vyzvalili, a zakinuli ŭ centr utrymańnia zamiežnikaŭ.
U pačatku 2026 hoda ŭ rasijskim Tambovie nijak nie mahli prydumać, što rabić ź biełarusam Juryjem Mielnikavym. Niuans u tym, što jon siabie ličyć hramadzianinam Biełarusi, a voś Biełaruś jaho nie pryznaje.
Mielnikaŭ adsiadzieŭ u Tambovie za asabliva ciažkaje złačynstva. Dakładny termin nieviadomy, ale heta dakładna bolš za piać hadoŭ.
10 listapada 2025 hoda jon vyzvaliŭsia z papraŭčaj kałonii №5 u Tamboŭskaj vobłaści, ale jaho nie adpuścili na svabodu. Mielnikava čakała departacyja na radzimu, bo jamu pastavili zabaronu na znachodžańnie ŭ Rasii na dziesiać hadoŭ.
Ale vysłać Mielnikava nie atrymałasia. Na zapyt palicyi Hienieralnaje konsulstva Biełarusi adkazała, što siarod ulikovych zapisaŭ hramadzian Biełarusi hety Mielnikaŭ nie značycca. A tamu vydać jamu paśviedčańnie na viartańnie niemahčyma.
U vyniku Mielnikaŭ zavis u centry ŭtrymańnia zamiežnikaŭ na niekalki miesiacaŭ — pakul Rasija i Biełaruś nie apaznajuć jaho dakładna i nie vyznačacca, čyj jon.
Čym skončyłasia sprava, pakul nieviadoma.
Kamientary