Za pieryjad z 1 pa 25 červienia hetaha hoda impart biełaruskaha bienzinu ŭ Rasiju dasiahnuŭ 141 tys. ton, što ŭ 2,4 razu pieravyšaje abjom pastavak za ŭvieś maj, piša rasijskaje vydańnie «Viedomosti».
U červieni minułaha, 2025 hoda abjom impartu bienzinu ź Biełarusi byŭ mizernym — jon składaŭ usiaho 1000 ton.
Adnačasova z rostam ekspartu ŭ Rasiju Biełaruś źniziła pastaŭki bienzinu ŭ inšyja krainy. Biełaruś pieranakiravała ŭ Rasiju abjomy paliva, jakija raniej pryznačalisia dla krain Siaredniaj Azii.
Za apošnija dva hady Ukraina nieadnarazova nanosiła ŭdary pa rasijskich naftapierapracoŭčych zavodach, tłumačačy heta tym, što jany źjaŭlajucca častkaj vajennaj łahistyki i zabiaśpiečvajuć palivam rasijskuju armiju. U vyniku ŭ červieni 2026 hoda ŭ Rasii raspačaŭsia vostry paliŭny kryzis. U mnohich rehijonach prodaž paliva narmiravali, na zapraŭkach stajać daŭžeznyja čerhi.
Na hetym fonie apošnim časam uźnikaje tema pra biełaruskija naftapierapracoŭčyja zavody — Mazyrski NPZ i «Naftan». Ciesny vajskovy sajuz pamiž Minskam i Maskvoj i apošnija zajavy Kijeva pra vykarystańnie biełaruskaj terytoryi dla padtrymki rasijskich atak vyklikajuć pytańnie, ci mohuć hetyja pradpryjemstvy razhladacca Kijevam jak vajennyja celi.
Ekśpiert kijeŭskaha Mižnarodnaha centra supraćdziejańnia rasijskaj ahresii Dźmitryj Hramakoŭ u razmovie z «Našaj Nivaj» śćviardžaje: z punktu hledžańnia Ukrainy takaja mahčymaść isnuje ŭžo ciapier. Ale, pavodle jaho, jość adna pryncypovaja ŭmova.
Čytajcie bolš: U jakim vypadku Kijeŭ budzie ličyć, što maje prava nanieści ŭdar pa biełaruskich NPZ? Ukrainski ekśpiert nazvaŭ hałoŭnuju ŭmovu
Ciapier čytajuć
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna7
«Kali mnie było dva hady, svajaki pavieźli mianie ŭ Biełaruś». Praz sacsietki dziaŭčyna adšukała baćku-rasijanina — ale skončyłasia historyja sumna
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1212
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha12
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
Kamientary
[Zredahavana]