Novy viarchoŭny lidar Irana Madžtaba Chamieniei nie źjaviŭsia na pachavańnie svajho zabitaha baćki
Novy viarchoŭny lidar Irana Madžtaba Chamieniei nie prysutničaŭ na dziaržaŭnaj cyrymonii pachavańnia svajho baćki ajatały Ali Chamieniei, jaki zahinuŭ u vyniku avijaŭdaraŭ ZŠA i Izraila.
U toj čas jak try inšyja syny zabitaha lidara źjavilisia na raźvitańni ŭ Tehieranie, adsutnaść aficyjnaha pierajemnika ŭzmacniła čutki pra jaho krytyčny stan: pavodle źviestak krynic, padčas lutaŭskaj ataki Madžtaba atrymaŭ ciažkija ranieńni i byŭ źniaviečany.
Na pachavalnych malitvach prysutničali try syny ajatały — Mastafa, Miejsam i Masud. Adnak čaćviorty syn, Madžtaba Chamieniei, jaki ŭznačaliŭ krainu paśla hibieli baćki, nie źjaŭlajecca na publicy i ŭ teleefiry z momantu avijaŭdaru 28 lutaha.
Krynicy, blizkija da iranskaha kiraŭnictva, paviedamlajuć, što jon prachodzić lačeńnie paśla taho, jak atrymaŭ surjoznyja paškodžańni tvaru i noh. Aficyjnyja dziaržaŭnyja ŚMI Tehierana tłumačać jaho adsutnaść strohimi mierami biaśpieki i pahrozaj novych zamachaŭ.
Ciapier čytajuć
Biełarus-hruzčyk, jaki staŭ asabistym pamočnikam i davieranaj asobaj kiraŭnika rasijskaha Śbierbanka Hiermana Hrefa, sapraŭdy isnuje4
Kamientary
Pakojny Chamiejni źjaŭlaŭsia na publicy ci ŭ efiry kožnuju niadzielu. A hetaha ŭ efiry ci na publicy nie było ni vodnaha razu.