Ukrainskija vajskoŭcy nazvali situacyju na Kramatorskim kirunku «krytyčna składanaj»
«KABy kidajuć litaralna na kožny mietr ziamli».
Situacyja na Kramatorskim kirunku praź cisk rasijskich vajskoŭcaŭ pieratvaryłasia ź ciažkaj u «krytyčna składanuju». Pra heta paviedamiŭ načalnik adździaleńnia kamunikacyj 24‑j asobnaj miechanizavanaj bryhady Ivan Pietryčak.
«My zaŭsiody kazali, što situacyja składanaja, što jana niaprostaja, a ciapier jana krytyčna składanaja. Vorahaŭ šmat, vorah ciśnie pa ŭsioj linii sutyknieńnia ŭ našaj zonie adkaznaści, a taksama na sumiežnych učastkach frontu, takich jak Kanstancinaŭka. Situacyja ŭ Kanstancinaŭcy vielmi składanaja, Časaŭ Jar — heta fłanh Kanstancinaŭki, i my adčuvajem, što vorah sprabuje pracisnucca i praz nas», — skazaŭ Ivan Pietryčak.
Pres-aficer dadaŭ, što rasijskija vojski praciahvajuć nastup nievialikimi hrupami piachoty, a taksama vykarystoŭvajuć usiu mahčymuju zbroju.
«My zaŭvažyli apošnim časam, što kolkaść udaraŭ KABami vielmi aktyŭna pavialičyłasia… KABy kidajuć litaralna na kožny mietr ziamli. Raniej jany ŭ asnoŭnym pracavali pa nasielenych punktach, a ciapier mohuć kidać KABy niepasredna ŭ pali», — skazaŭ Pietryčak.
Taksama, pavodle słoŭ pradstaŭnika bryhady, rasijskija vojski na Kramatorskim kirunku niasuć značnyja straty.
Kamientary
Płocho trudišsia piatikopieječnyj, skoro budieš v etich trojkach šturmom.