Narkatyčnyja rečy byli vyjaŭleny jak u «zakładkach», vyznačanych pa hieahrafičnych kaardynatach, tak i padčas ahladu aŭtamabila, a taksama asabistych vobšukaŭ dvuch mužčyn 1979 i 1988 hadoŭ naradžeńnia.
Pradstaŭlenyja na daśledavańnie skrutki z ahulnaj masaj źmieściva 1232,0 hrama byli akuratna rasfasavanyja ŭ polietylenavyja pakiety i abmotanyja lipkaj stužkaj, paviedamlaje Dziaržkamitet sudovych ekśpiertyz.
Było ŭstanoŭlena, što rečyvy ŭtrymlivajuć u svaim składzie asabliva niebiaśpiečny narkatyčny srodak, jaki nie vykarystoŭvajecca ŭ miedycynskich metach, — karfientanił. Darečy, dziejańnie karfientaniłu paralizuje centralnuju niervovuju sistemu i moža vyklikać raptoŭnuju śmierć.
Akramia taho, u tajnikach u lesie było vyjaŭlena 198,23 hrama biełaha parašku, schavanaha siabrami. Ekśpiertami ŭstanoŭlena, što paraškapadobnaje rečyva biełaha koleru ŭtrymlivaje ŭ svaim składzie asabliva niebiaśpiečny narkatyčny srodak, dazvoleny da kantralujemaha abarotu, — mietadon.
Kamientary
Vyhladaje, niby apieratyŭniki sami pradali rečyva, ale dačakalisia, pakul rasfasujuć, i ŭziali pakupnikoŭ.