«Nie biažy. Ty nie zmožaš…» Na ŭskrajku Hrodna chodzić miadźviedź, ułady vystupili z papiaredžańniem
Na ŭskrajku Hrodna pamiž Hožaj i Zarycaj miascovyja žychary zaŭvažyli miadźviedzia. Infarmacyju aficyjna paćvierdzili ŭ Hrodzienskim abłvykankamie.
«Na miesca vyjazdžali śpiecyjalisty miascovaha lashasa. Infarmacyja paćvierdziłasia: palaŭnictvaznaviec znajšoŭ śviežyja ślady miadźviedzia», — paviedamlaje kanał kiraŭnika vobłaści Juryja Karajeva.
Heta nadzvyčajnaja situacyja dla rehijona — miadźviedzi ŭ Hrodnie jašče nie źjaŭlalisia.
«Takoha jašče nie było», — paćviardžajuć u abłvykankamie.
Čynoŭniki zapeŭnivajuć: «situacyju trymajuć na kantroli profilnyja viedamstvy».
Ale pakul zaklikajuć «uličvać hetu infarmacyju», to-bok najaŭnaść miadźviedzia ŭ rehijonie.
Što rabić, kali vy ŭbačyli miadźviedzia?
«Kali vy ŭsio ž taki ŭbačyli miadźviedzia — spyniciesia, zachoŭvajcie spakoj i acanicie situacyju. Nie pavaročvajciesia śpinaj, nie hladzicie jamu ŭ vočy, ale kantralujcie pavodziny žyvioły», — havorycca ŭ rekamiendacyjach.
«Nie biažycie. Vy nie zmožacie ŭciačy ad miadźviedzia. Adychodźcie pavolna, na adlehłaść kala 10—20 mietraŭ i tolki potym možna adychodzić ubok».
Taksama rekamiendujuć nie padavać vyhladu, što vy možacie być pahrozaj, ale pry hetym varta vydavać huki — śvistać, plaskać u dałoni.
Ciapier čytajuć
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami4
Syn ministra Kubrakova staŭ načalnikam Centralnaha RUUS Minska. Major, ale budzie kiravać pałkoŭnikami
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary