Pra namier kitajskaha brenda Changan viarnucca ŭ Biełaruś paviedamlałasia ŭžo nie adnojčy. Tak, u minułym hodzie top-mieniedžar kitajskaj marki Che Dzinfu zajaŭlaŭ, što da kanca 2024-ha «Čanań» adnaznačna źjavicca ŭ krainie ź liniejkaj novych aŭtamabilaŭ. Ale tady hetaha nie zdaryłasia.
5 červienia ŭ Minsku adbyłasia pres-kanfierencyja, na jakoj paviedamili, što brend viartajecca, piša av.by.
Pieršymi na ajčynny rynak prybuduć madeli premijalnaj liniejki Uni. Aficyjnym dystrybjutaram marki stanie TAA «Łazanž».
«Pa papiarednich danych, u nas košt aŭtamabilaŭ marki budzie na 30% nižejšy, čym u rasijskich prajs-listach», — adznačyŭ pradstaŭnik dystrybjutara.
Da prykładu, u Rasii cana madelaŭ CS varjirujecca pryblizna ad 23 000 da 48 000 dalaraŭ u ekvivalencie, Uni — ad 26 400 da 46 240.
Aŭtamabili Changan stanuć pastaŭlać da nas naŭprost z KNR.
Varta adznačyć, što pieršyja aŭtamabili Changan źjavilisia ŭ nas jašče ŭ 2017-m. Spačatku kampaktny krasovier CS35 sprabavali realizoŭvać u aŭtacentry «RedMotars». Adnak navat z canoj mienš za $15 000»Čanań» nie zavajavaŭ sercy i kašalki biełarusaŭ. Cikavaść da kitajskaha «parkietnika» pastupova zhasała, a potym i zusim syšła na ništo: apošnija mašyny raspradali ŭ kancy 2018-ha, novuju partyju zavozić nie płanavali, sastupiŭšy paŭnamoctvy dylera brendu inšaj kampanii — TAA «Aptymalny Transpart». Ale i tam vyniki, miakka kažučy, pakidali žadać lepšaha. Pa aficyjnych danych, z 2017 pa 2020 hod siłami dźviuch firmaŭ pradadziena kala 300 mašyn.
U lutym 2020-ha za Changan vyrašyłasia ŭziacca kampanija «Multymotars». Da kanca hoda starańniami dvuch dyleraŭ płanavałasia realizavać 1 000 aŭtamabilaŭ. Bolš za toje, u červieni 2020-ha ŭ Biełarusi, na SP ZAT «Junisan», startavała vytvorčaść krasoviera CS35 Plus, a taksama CS75 FL. Niahledziačy na toje, što pieršapačatkova płany na ajčynnaje pradpryjemstva byli vialikimi, zborku spynili ŭžo praz čatyry miesiacy.
Dakładna pryčyna prypynieńnia vytvorčaści Changan u Biełarusi nieviadomaja, adnak, pavodle infarmacyi vydańnia «Kitajskija aŭtamabili», na heta mahło paŭpłyvać skaračeńnie realizacyi «Čananiej» nie tolki ŭ nas u krainie (za 7 miesiacaŭ 2021 hoda, pavodle źviestak BAA, nabyta try mašyny), ale i ŭ RF.
Usiaho ž, pa aficyjnych źviestkach, u 2020-m kampanija realizavała ŭ Biełarusi dzieviatnaccać mašyn, u 2021-m — try.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja7
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary