Maradona padčas svajho vizitu ŭ Biełaruś nie zachacieŭ sustrakacca z Rumasam
Pra niežadańnie Maradony sustrecca sa staršynioj Asacyjacyi «Biełaruskaja fiederacyja futboła» Siarhiejem Rumasam raspavioŭ były hiensak bresckaha «Dynama» Uładzimir Mačulski, piša football.by.
— Dyjeha Maradonu čakaŭ, naprykład, Siarhiej Rumas. My pryjechali ŭ Minsk, i na nastupny dzień Maradona vylataŭ. Alaksandr Zajcaŭ [kiraŭnik bresckaha «Dynama», u jakoje zaprasili Maradonu hanarovym staršynioj — NN] skazaŭ, što Rumas choča sustrecca.
My pačali ŭhavorvać: «Dyjeha, heta pa darozie, ty pryjedzieš, piać chvilin udzieliš ludziam, paciśnieš ruki, atrymaješ padarunki i pajedzieš u aeraport». Ni ŭ jakuju čałaviek nie zhadžaŭsia. Tak sustreča i nie adbyłasia».
Siarhiej Rumas uznačalvaŭ Biełaruskuju fiederacyju futboła z 2011 pa 2019 hady, ale padčas vizitu Maradony ŭ Biełaruś u lipieni 2018 hoda, jon jašče nie byŭ premjer-ministram.
Milicyja schavała hałoŭnaje — mahiloŭski mańjak-lifcior užo siadzieŭ za zhvałtavańnie. Ale jaho nie pravieryli na datyčnaść da zabojstvaŭ3
Kamientary