Марадона падчас свайго візіту ў Беларусь не захацеў сустракацца з Румасам
Пра нежаданне Марадоны сустрэцца са старшынёй Асацыяцыі «Беларуская федэрацыя футбола» Сяргеем Румасам распавёў былы генсак брэсцкага «Дынама» Уладзімір Мачульскі, піша football.by.
— Дыега Марадону чакаў, напрыклад, Сяргей Румас. Мы прыехалі ў Мінск, і на наступны дзень Марадона вылятаў. Аляксандр Зайцаў [кіраўнік брэсцкага «Дынама», у якое запрасілі Марадону ганаровым старшынёй — НН] сказаў, што Румас хоча сустрэцца.
Мы пачалі ўгаворваць: «Дыега, гэта па дарозе, ты прыедзеш, пяць хвілін удзеліш людзям, паціснеш рукі, атрымаеш падарункі і паедзеш у аэрапорт». Ні ў якую чалавек не згаджаўся. Так сустрэча і не адбылася».
Сяргей Румас узначальваў Беларускую федэрацыю футбола з 2011 па 2019 гады, але падчас візіту Марадоны ў Беларусь у ліпені 2018 года, ён яшчэ не быў прэм'ер-міністрам.
Каментары