Ministr abarony Izraila pryhraziŭ, što žychary Tehierana chutka zapłaciać za iranskija ataki na žyłyja kvartały
Israel Kac zajaviŭ, što žychary iranskaj stalicy mohuć paciarpieć padčas adkazu na iranskija rakietnyja ŭdary, jakija nanieśli značnuju škodu žyłym rajonam Izraila.
«Pychlivy dyktatar Tehierana pieratvaryŭsia ŭ napałochanaha zabojcu, jaki stralaje pa mirnym nasielnictvie Izraila, kab strymać CACHAŁ ad praciahnieńnia atak, što źniščajuć jaho mahčymaści», — havorycca ŭ zajavie Kaca.
«Žychary Tehierana zapłaciać za heta, i chutka», — zajaviŭ jon.
Čakajecca, što CACHAŁ vypuścić papiaredžańnie dla žycharoŭ Tehierana z zaklikam pakinuć peŭnyja rajony, a paśla hetaha pačnie źniščać vialikuju kolkaść budynkaŭ (jak heta było ŭ Biejrucie padčas atak na «Chiezbału»)
U vyniku siońniašniaj načnoj ataki Irana ŭ Izraili zahinuli 5 čałaviek, 92 atrymali roznyja traŭmy. Pry hetym mocnyja paškodžańni atrymali mienavita zvyčajnyja žyłyja damy ŭ Pietach-Tykvie i Bniej-Braku.
-
«Mnie nie patrebna mižnarodnaje prava — u mianie niama namieru pryčyniać ludziam škodu». Tramp patłumačyŭ, navošta jamu Hrenłandyja
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
-
U Portlendzie ahienty pamiežnaj słužby ZŠA paranili dvuch čałaviek
Kamientary