Biełarus stralaŭ z łuka ŭ varšaŭskim parku i paceliŭ u inšaha čałavieka
U adnym z parkaŭ u Varšavie mužčyna byŭ vypadkova paranieny strałoj z łuka. Jon prosta siadzieŭ na łaŭcy, kali strała, vypuščanaja inšym mužčynam padčas treniroŭki ŭ stralbie pa mišeni, trapiła jamu ŭ kalena. Na ščaście, paranieny nie atrymaŭ ciažkich traŭmaŭ, ale jaho dastavili ŭ špital dla ahladu, paviedamlaje varšaŭskaja palicyja.
Incydent zdaryŭsia 13 červienia ŭ piatnicu, kala 19:00. Na miesca zdareńnia pryjechali palicejskija i miedyki. Akazałasia, što stralaŭ 34-hadovy hramadzianin Biełarusi. Jaho zatrymali, a łuk i streły zabrali dla dalejšaha rasśledavańnia.
Palicyja praviała apytańnie śviedkaŭ i paciarpiełaha, a sabranyja materyjały pieradali ŭ prakuraturu varšaŭskaha rajona Praha-Poŭnač. Traŭma akazałasia niaciažkaj, choć patencyjna situacyja mahła skončycca značna horš.
Ciapier čytajuć
Vyzvalenym i departavanym va Ukrainu palitviaźniam nie addali pašparty3
Kamientary