Viačorka Anžalicy Borys: Prablema na baku Łukašenki, jaki nie choča Pačobuta vypuskać
Hałoŭny daradca Śviatłany Cichanoŭskaj Franak Viačorka adreahavaŭ na dopis u fejsbuku byłoj kiraŭnicy Sajuzu palakaŭ Biełarusi Anžaliki Borys, u jakim taja źviazała adsutnaść siarod vyzvalenych 13 śniežnia biełaruskich palitviaźniaŭ Andreja Pačobuta z tym, što jaho nibyta «nie było ŭ śpisie biełaruskaj apazicyi, bo źjaŭlajecca pradstaŭnikom polskaj mienšaści».
Franak Viačorka zajaviŭ:
«Andrej Pačobut byŭ u kožnym našym śpisie, i ahulnych i prafiesijnych. I my, i sajuźniki, i ZŠA, a ŭ pieršuju čarhu Polšča i polski ŭrad — bilisia za Pačobuta.
Prablema na baku Łukašenki, jaki nie choča Pačobuta vypuskać».
Raniej pres-sakratar MZS Polščy Maciej Vievior paviedamiŭ, što Andrej Pačobut nie vyzvaleny tamu, što admoviŭsia napisać prašeńnie ab vyzvaleńni. Takaja prapanova, pa słovach dypłamata, sapraŭdy isnavała, adnak Pačobut jaje nie pryniaŭ. Ale heta, padkreśliŭ pradstaŭnik MZS, nie aznačaje spynieńnia namahańniaŭ pa jaho vyzvaleńni.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary