MZS Litvy: Jeŭrasajuz navat nie abmiarkoŭvaje pytańnie źniaćcia sankcyj ź Biełarusi
Ministerstva zamiežnych spraŭ Litvy zajaviła, što ŭ Jeŭrapiejskim sajuzie nie viadziecca nijakich abmierkavańniaŭ nakont źmiakčeńnia sankcyj u dačynieńni da Biełarusi. U viedamstvie adznačyli, što rašeńnie Złučanych Štataŭ ab źniaćci sankcyj ź biełaruskich kalijnych uhnajeńniaŭ źjaŭlajecca samastojnym krokam Vašynhtona i nie źviazanaje z sankcyjnaj palitykaj ES, paviedamlaje LRT.
MZS Litvy padkreślivaje, što ŭsie pryčyny, praź jakija Jeŭrasajuz uvioŭ sankcyi suprać Biełarusi, zastajucca aktualnymi. Siarod ich — unutranyja represii, padryŭ demakratyi, vykarystańnie mihracyi jak instrumienta cisku, padtrymka Rasii ŭ ahresii suprać Ukrainy, a taksama hibrydnyja ataki.
U ministerstvie pryznali, što vyzvaleńnie palityčnych źniavolenych — važny dypłamatyčny krok, adnak pazicyja Litvy zastajecca niaźmiennaj: dziejańni biełaruskich uładaŭ praciahvajuć stvarać surjoznuju pahrozu biaśpiecy Litvy, Jeŭrasajuza i NATA.
13 śniežnia u Biełarusi vyzvalili i vydvaryli za miežy krainy 123 palityčnych źniavolenych. Dzieviać ź ich vyjechali praz terytoryju Litvy, astatnija — praz Ukrainu. Siarod vyzvalenych takija viadomyja asoby, jak Aleś Bialacki, Viktar Babaryka, Maryja Kaleśnikava, Maksim Znak, Alaksandr Fiaduta, Pavieł Sieviaryniec i inšyja.
Džon Koŭł sprahnazavaŭ, što i jašče tysiaču palitźniavolenych departujuć
Śpis palitviaźniaŭ, vyzvalenych 13 śniežnia
Bolšaść palitviaźniaŭ, vyzvalenych siońnia, vysłali va Ukrainu
Na voli Maryja Kaleśnikava, Viktar Babaryka, Maryna Zołatava, Aleś Bialacki, Maksim Znak! Ahułam vyzvaleny 123 palitviaźni
Koŭł: Łukašenka pahadziŭsia spynić zapusk pavietranych šaroŭ u bok Litvy
ZŠA čakajuć ad Łukašenki viartańnia litoŭskich fur
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary