Śpiecpradstaŭnik prezidenta Donalda Trampa ŭ Biełarusi Džon Koŭł napisaŭ u sacsietcy X post, u jakim prakamientavaŭ vyzvaleńnie biełaruskich palitviaźniaŭ, jakoje adbyłosia paśla jahonych pieramoŭ u Minsku z Alaksandram Łukašenkam 12‑13 śniežnia.
«Jašče 156 palitviaźniaŭ vyzvalenyja dziakujučy lidarstvu prezidenta Trampa! Heta važny krok u adnosinach pamiž ZŠA i Biełaruśsiu. U Vilni my abmierkavali pytańni rehijanalnaj biaśpieki i mihracyi z Hitanasam Naŭsiedam i Inhaj Ruhinienie i ŭ Minsku z prezidentam Łukašenkam.
Dziakuj vam, prezident Łukašenka, za toje, što pryniali nas i za vašy pastajannyja kroki. Dziakuj vam, Litva i Ukraina, za vašu padtrymku i partniorstva ŭ vyzvaleńni hetych źniavolenych. Asabliva ŭdziačny Kiryłu Budanavu za jaho nieacennuju kaardynacyju, dziakujučy jakoj heta adbyłosia na praciahu apošnich niekalkich tydniaŭ», — napisaŭ Džon Koŭł.
Jak paviedamlałasia, 13 śniežnia na volu ź biełaruskich turmaŭ i kałonij vyjšli 123 čałavieki. Ličba 156, nazyvanaja Koŭłam, uklučaje inšyja vypadki vyzvaleńniaŭ, jakija adbyvalisia z kanca listapada. U pryvatnaści, byŭ vyzvaleny 31 hramadzianin Ukrainy i dva katalickija śviatary — Hienrych Akałatovič i Andžej Juchnievič.
Na voli Maryja Kaleśnikava, Viktar Babaryka, Maryna Zołatava, Aleś Bialacki, Maksim Znak! Ahułam vyzvaleny 123 palitviaźni
Koŭł pra pieramovy z Łukašenkam: Havaryli pra budučyniu i pra toje, jak narmalizavać adnosiny
Andreja Pačobuta siarod vyzvalenych palitviaźniaŭ niama
Za pieršyja try hadziny biełarusy sabrali bolš za 124 tysiačy jeŭra dla 123 vyzvalenych palitźniavolenych
Kamientary