Ispanija i Vialikabrytanija damovilisia ab admienie pamiežnaha kantrolu na miažy pamiž Hibrałtaram i Ispanijaj, piša 34travel.me.
Ciapier pry ŭjeździe ŭ Hibrałtar praz port i aeraport buduć dziejničać praviły Šenhienskaj zony: pašpartny kantrol budzie padvojny — z adnaho boku ispanski, z druhoha — brytanski. Jaho buduć pravodzić sumiesna pamiežniki abiedźviuch krain.
Heta aznačaje, što pa ziamli ŭ Hibrałtar ciapier možna budzie trapić pa šenhienskaj vizie abo na biaźvizavych umovach dla hramadzian tych krain, kamu dazvoleny ŭjezd u Šenhienskuju zonu. Asobnaja viza dla Hibrałtara bolš nie patrebnaja, što spraščaje ŭjezd, u tym liku dla biełarusaŭ, jakim raniej patrabavałasia asobnaja viza niezaležna ad najaŭnaści šenhienskaj.
Dla hramadzian Vialikabrytanii, jakija nie žyvuć u Hibrałtary, buduć dziejničać zvyčajnyja šenhienskija praviły — da 90 dzion znachodžańnia na praciahu 180 dzion. Za ich parušeńnie Ispanija moža admović va ŭjeździe.
Hibrałtar zastajecca pad suvierenitetam Vialikabrytanii, ale faktyčna intehrujecca ŭ Šenhien. Heta pahadnieńnie stała apošnim vialikim krokam pa vyrašeńni pytańniaŭ paśla Brexit i było nazvana «histaryčnaj padziejaj».
Akramia taho, u pahadnieńnie ŭklučanyja pytańni padatkaŭ i handlu, asabliva zhodna z patrabavańniami ES adnosna kantrabandy tavaraŭ, takich jak tytuń.
Damova jašče pavinna prajści aficyjnaje jurydyčnaje afarmleńnie i ratyfikacyju.
Biełarusy, što jeduć u Sierbiju i Čarnahoryju, mohuć trapić u vizavuju pastku
Ci sapraŭdy ŭ Turcyi sioleta paŭpustyja plažy?
Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska
«Heta šlach adzinočki». Biełarus bolšuju častku žyćcia pravodzić u vandroŭkach — naviedaŭ užo amal 500 abjektaŭ JUNIESKA
Kamientary
"inžieniery" i "vrači" iz Afriki, Azii I Kavkaza niepriemienno etim vospolzujutsia čtoby popasť v "RAJ" - Vielikobritaniju. I eto nado poniať.