U Barysavie školniki kidali z mosta pakryški na pravady i palivali ich vadoj
Padletkaŭ znajšła milicyja, ich baćkoŭ ciapier pakarajuć.
Viečaram 16 červienia ŭ Barysavie čaćviora padletkaŭ 12-13 hadoŭ vyrašyli pravieści dziŭny ekśpierymient. Jany padnialisia na aŭtamabilny most nad čyhunačnymi puciami niedaloka ad prypynka «Piečanski» i pačali kidać na pravady pakryški. Dla ŭzmacnieńnia efiektu jany čamuści palivali šyny vadoj.
Nichto nie paciarpieŭ, ale siłaviki nieŭzabavie znajšli padletkaŭ. Jak zajavili ŭ milicyi, za taki ekśpierymient padletki mahli b atrymać kryminalnuju spravu. Ale pakolki jany jašče nie dasiahnuli ŭzrostu, ź jakoha nadychodzić kryminalnaja adkaznaść, adkazvać buduć baćki. Im pahražaje štraf da 420 rubloŭ.
Milicyjaniery, u tym liku pradstaŭniki hrupy hramadskaj biaśpieki na transparcie i kryminalnaha vyšuku, praviali ź dziećmi tłumačalnuju hutarku. Paśla hetaha jany pryjšli ź lekcyjaj u škołu, u jakoj navučajucca padletki.
Školnikam nahadali pra adkaznaść, praduhledžanuju artykułami 309 (Naŭmysnaje pryviadzieńnie ŭ nieprydatnaść transpartnaha srodku abo šlachoŭ znosin) i 339 (Chulihanstva) Kryminalnaha kodeksa, a taksama artykułami 18.2 i 18.3 KoAP, jakija adnosiacca da parušeńniaŭ pravił biaśpieki na čyhuncy.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj13
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2727
Kamientary