Kantakty z pradstaŭnikami administracyi ZŠA adbyvajucca štotydniova, zajaviŭ «Pieršamu infarmacyjnamu» pastajanny pradstaŭnik Biełarusi ŭ AAN Valancin Rybakoŭ.
Valancin Rybakoŭ, jaki rehularna prysutničaje na biełaruska-amierykanskich pierahavorach u Pałacy Niezaležnaści, daŭ intervju dziaržaŭnamu telebačańniu z hetaj nahody. Adrazu jon publična zapeŭniŭ, što družba z amierykancami nie zaškodzić družbie z Rasijaj.
«Vielmi časta mnie davodziłasia adkazvać na pytańnie ab tym, ci sprabujuć amierykancy niejkim čynam paŭpłyvać na nas u našych uzajemaadnosinach z Rasijaj. Ja mahu vas zapeŭnić, ja na mnohich padobnych pieramovach byŭ, pra heta nikoli nie zachodziła havorka. Ni razu nie było nijakich sprobaŭ niejkim čynam nas z Rasijaj adzin adnamu supraćpastavić, pasvaryć i hetak dalej. Ciapierašniaja amierykanskaja administracyja zychodzić z taho, što ŭ nas absalutna ciesnyja, ciopłyja, siabroŭskija, rodnasnyja, sajuźnickija adnosiny z Rasijskaj Fiederacyjaj, i nijakich sprobaŭ umiašacca ŭ hetyja ŭzajemaadnosiny nikoli nie było, i ja dumaju, nikoli nie budzie».
Adkazvajučy na pytańnie, čaho chočuć amierykancy ŭ adnosinach ź Biełaruśsiu, Valancin Rybakoŭ skazaŭ, što na hetych pierahavorach spadar Koŭł zajaviŭ «absalutna adkryta» na sustrečy z Alaksandram Łukašenkam, što kančatkovaja meta, jakuju jon i Administracyja ZŠA pierad saboj staviać, — poŭnaja narmalizacyja biełaruska-amierykanskich adnosin.
«U hetaje paniaćcie ŭvachodzić absalutna ŭsio: palityčnyja, ekanamičnyja adnosiny, biznes, jaki my možam supolna raźvivać, kultura. Heta sapraŭdy ŭklučaje ŭ siabie ŭsio absalutna», — skazaŭ jon.
Havoračy ab tym, što budzie adbyvacca dalej, pastajanny pradstaŭnik Biełarusi ŭ AAN adznačyŭ, što publičnych zajaŭ i dziejańniaŭ moža nie być, ich prosta nie bačna. Ź jahonych słoŭ, heta nie aznačaje, što praca nie pravodzicca.
«Paviercie mnie, sustrečy z pradstaŭnikami amierykanskich uładaŭ adbyvajucca praktyčna štotydzień. U Vašynhtonie my abmiarkoŭvajem usie pytańni, jakija ŭ nas stajać na paradku dnia, rychtujem nastupnyja sustrečy, nastupnyja kroki, jakija abodva baki pavinny zrabić na šlachu da poŭnaj narmalizacyi našych dvuchbakovych adnosin, — zapeŭniŭ dypłamat. Paśla viartańnia ŭ Ńju-Jork my damovilisia, što praviadziom čarhovuju sustreču, paznačym nastupnyja kroki, bo jość što rabić, jość da čaho imknucca».
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary
Možno tolko dobaviť, čto raźvitije otnošienij SŠA i RB budiet objektivno miešať stať RB subjektom fiedieracii RF. I učityvaja vozrast piervoho i poślednieho priezidienta RB eto niemałovažno.