17 červienia Biełhidramiet abviaściŭ aranžavy ŭzrovień niebiaśpieki dla bolšaj častki Biełarusi, u tym liku Minska. Pryčyna — mocny paryvisty viecier, jaki, pavodle prahnozaŭ, moža dasiahać chutkaści 15—18 m/s i praciahniecca da viečara.
Fota ilustracyjnaje
Sinoptyki papiaredzili, što asabliva varta być uvažlivymi z 14:45 da 21:00 — mienavita ŭ hety čas mocny viecier achopić vialikuju častku krainy. Zhodna sa škałoj Baforta, heta ŭžo «mocny» abo «vielmi mocny» viecier.
Pavodle karty «Mieteapapiaredžańnia», najbolš niebiaśpiečnymi abvieščanyja Hrodzienskaja, Minskaja i Mahiloŭskaja vobłaści, dzie mahčymyja nie tolki paryvy vietru, ale i navalnicy. Dla Viciebskaj vobłaści ŭstalavany žoŭty ŭzrovień niebiaśpieki.
Kamientary