Zabrać dakumient možna ŭ punkcie, dzie abituryjent zdavaŭ vyprabavańnie pa pradmiecie.
Kali CT zdavałasia ŭ roznych punktach (aktualna dla vypusknikoŭ škoł minułych hadoŭ i vypusknikoŭ kaledžaŭ), zabirać siertyfikaty daviadziecca ŭ kožnym ź ich, piša BiełTA.
Zhodna z Pałažeńniem ab CT, abituryjent atrymlivaje siertyfikat pad podpis u viedamaści vydačy siertyfikataŭ centralizavanaha teściravańnia pry pradjaŭleńni dakumienta, jaki śviedčyć asobu, dakumienta ab adukacyi (atestat ab ahulnaj siaredniaj adukacyi, abo dypłom ab prafiesijna-techničnaj adukacyi, abo dypłom ab siaredniaj śpiecyjalnaj adukacyi), a taksama propusku z adznakaj «Teściravańnie prajšoŭ» — apošni zabirajecca.
Siertyfikat mohuć atrymać zakonnyja pradstaŭniki niepaŭnaletnich abituryjentaŭ abo pradstaŭniki abituryjentaŭ. U hetym vypadku zakonny pradstaŭnik pradjaŭlaje kopiju dakumienta, jaki paćviardžaje asobu, dakumient, što paćviardžaje status zakonnaha pradstaŭnika, kopiju dakumienta, jaki paćviardžaje asobu abituryjenta, dakumient ab adukacyi abituryjenta (atestat ab ahulnaj siaredniaj adukacyi, abo dypłom ab prafiesijna-techničnaj adukacyi, abo dypłom ab siaredniaj śpiecyjalnaj adukacyi).
Dla atrymańnia siertyfikata pradstaŭnikom abituryjenta nieabchodnyja: kopija dakumienta, jaki paćviardžaje asobu pradstaŭnika, davieranaść, aformlenaja ŭ paradku, ustanoŭlenym hramadzianskim zakanadaŭstvam, kopija dakumienta, jaki śviedčyć asobu abituryjenta, i dakumient ab adukacyi abituryjenta.
Kamientary