«Ja doŭhi čas maŭčała. Maja duša nibyta zamierła». Śpiavačka Ina Afanaśjeva vypuściła pieršy klip paśla vymušanaj paŭzy
Narodnaja artystka Biełarusi Ina Afanaśjeva, jakaja bolš nie moža vystupać na radzimie praz traplańnie ŭ «čornyja śpisy», vypuściła klip. Adbyłosia heta na 40 dzień paśla śmierci maci: «Niachaj hetaja pieśnia stanie suciašeńniem dla kožnaha, chto straciŭ blizkich i rodnych».
Pieśnia nazyvajecca «Eta bol».
Ina Afanaśjeva napisała na svajo staroncy ŭ instahramie:
«Ja doŭhi čas maŭčała. Maja duša nibyta zamierła. Mama zaŭsiody pytałasia ŭ mianie: čamu ja nie śpiavaju? Ja joj adkazvała — nie chaču… Mnie tak było praściej joj skazać. Jana vielmi chvalavałasia, i ja pra heta viedała.
Paźniej, kali źjavilisia pieśni, jakija ja zachacieła śpiavać, ja padumała, što mama budzie vielmi rada tamu, što ŭ mianie źjaviłasia hetaje žadańnie viarnucca ŭ muzyku. Ja rychtavała joj siurpryz i ŭsim vam, chto hetaha čakaŭ. Ale 40 dzion tamu adbyłosia toje, što adbyłosia… Niachaj hetaja pieśnia stanie suciašeńniem dla kožnaha, chto straciŭ blizkich i rodnych. A što dalej? Dalej budzie šmat piesień, jakija ja napoŭniu śviatłom i luboŭju. Dziakuj, što tak doŭha čakali».
U kamientarach na YouTube ludzi pišuć, što płakali, kali słuchali pieśniu, i dziakujuć Inie za toje, što jana viarnułasia.
Raniej syn Iny Afanaśjevaj Ivan Stralcoŭ, jaki ciapier pracuje aktoram u Ryzie i nie moža viarnucca ŭ Biełaruś pa zrazumiełych pryčynach, raspaviadaŭ, što biełaruskija ŭłady pakarali maci praź jaho palityčnuju pazicyju:
— Čałavieku, jaki ŭsio žyćcio byŭ na scenie, uziali i zabaranili vystupać! Ale ž ja viedaju, što jaje dahetul čakajuć słuchačy. Ja sam bačyŭ kamientary ŭ instahramie, što ludzi pišuć, što čakajuć jaje kancert, čakajuć, kali jaje znoŭ pakažuć pa televizary… Viadoma, adbyłosia heta ŭ tym liku i praź mianie. Ale majo mierkavańnie i maje dziejańni — tolki maje. Ja adkazvaju za svaje słovy. Usio, što ja rablu, nijak nie tyčycca majoj mamy, dziciaci, byłoj žonki.
«Niečym treba zaŭsiody achviaravać. Mnie pryjšłosia achviaravać siamjoj»: syn Iny Afanaśjevaj pra pavaroty losu
Śpiavak Alaksiej Chlastoŭ ciapier pracuje ŭ taksi
Alaksiej Chlastoŭ, jaki pajšoŭ u taksisty, staŭ hierojem internetu. Biełarusy zapuścili fłešmob, kab padtrymać śpievaka z čornaha śpisu
Viadomaje muzyčnaje šou «SamŠazam» zakryłasia ŭ Biełarusi. Mikita Najdzionaŭ raskazaŭ, čamu pierazapuskaje jaho ŭ Varšavie
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki31
Kamientary