Kaardynatarka štabu Viktara Babaryki, jakaja stała adnym ź simvałaŭ vybarčych padziej, była aryštavanaja 7 vieraśnia 2020 hoda. Siłaviki sprabavali vykinuć jaje ź Biełarusi, ale Maryja na miažy parvała pašpart i zastałasia na biełaruskaj terytoryi — adzin z samych dramatyčnych momantaŭ 2020 hoda. Kaleśnikavaj prysudzili 11 hadoŭ źniavoleńnia. U turmie łukašenkaŭcy ŭviali dla jaje režym inkamunikada, rodnyja nie viedali ničoha pra Maryju i jaje stan zdaroŭja.
Na svabodzie apynułasia Maryja Kaleśnikava. Jaje siastra ŭžo zmahła sazvanicca ź joj.
Pa infarmacyi «Našaj Nivy», apošnim časam Kaleśnikavu pieraviali z kałonii ŭ SIZA, kab adkarmić pierad vyzvaleńniem i nadać joj bolš prezientabielny vyhlad.
Maryja Kaleśnikava naradziłasia 24 krasavika 1982 hoda ŭ Minsku. Baćka, Alaksandr Kaleśnikaŭ, słužyŭ na padvodnaj łodcy i vykładaŭ u avijacyjnym kaledžy, maci — taksama inžynierka. U padletkavym uzroście Kaleśnikava była maładafrontaŭkaj, ale paśla adyšła ad palityčnaj aktyŭnaści.
Maryja skončyła Biełaruskuju dziaržaŭnuju akademiju muzyki pa śpiecyjalnaści flejtyst i dyryžor. Z 17 hadoŭ vykładała flejtu ŭ himnazii ŭ Minsku. Hrała na flejcie ŭ opiernym teatry, arkiestry Finbierha, u prezidenckim arkiestry. Vučyłasia ŭ Vyšejšaj škole muzyki ŭ Štutharcie na fakultetach staradaŭniaj i sučasnaj muzyki. Pracavała ŭ Hiermanii, udzielničała ŭ kancertach, arhanizoŭvała mižnarodnyja kulturnyja prajekty ŭ Hiermanii i Biełarusi.
U 2017 hodzie Biełhazprambank, staršynioj praŭleńnia jakoha byŭ bankir Viktar Babaryka, kupiŭ try pustyja cechi Minskaha stankabudaŭničaha zavoda. Byłyja zavodskija pamiaškańni pieraabstalavali ŭ kulturny chab — OK16. Heta miesca miełasia zrabicca inkubataram kulturnych prajektaŭ i ekanamičnych instrumientaŭ budučyni. Art-dyrektaram prajekta stała Maryja Kaleśnikava. Mienavita dziakujučy hetamu prajektu Babaryka i Kaleśnikava paznajomilisia.
Kali ŭ mai 2020 hoda bankir abvieściŭ pra svaje prezidenckija ambicyi, Maryja ŭvajšła ŭ jaho kamandu.
Paśla aryštu Babaryki i jaho syna Eduarda ŭznačaliła štab mienavita Kaleśnikava. Kali Babaryku aryštavali i admovili ŭ rehistracyi kandydatam u prezidenty, štaby abjadnalisia, i Maryja stała pracavać u supolnaj kamandzie sa Śviatłanaj Cichanoŭskaj.
Kaleśnikava zastałasia ŭ Biełarusi, prymała ŭdzieł u maršach pratestu, uvajšła ŭ skład Kaardynacyjnaj rady.
Maryja była aryštavanaja 7 vieraśnia 2020 hoda. Jaje sprabavali hvałtam vyvieźci ź Biełarusi va Ukrainu, ale jana na miažy parvała svoj pašpart i ŭ vyniku zastałasia na biełaruskaj terytoryi. Na nastupny dzień była źmieščana ŭ SIZA. Tam jaje ŭtrymlivali ŭ izalacyi ad inšych aryštantaŭ.
Kaleśnikavaj prysudzili 11 hadoŭ źniavoleńnia. U abvinavačvańni išła havorka pra «zmovu z metaj zachopu ŭłady niekanstytucyjnym šlacham», «stvareńnie ekstremisckaha farmiravańnia i kiravańnie takim farmiravańniem», «publičnyja zakliki da zachopu ŭłady».
U homielskaj kałonii Kaleśnikavu ŭtrymlivali ŭ režymie inkamunikada, časta kidali ŭ ŠIZA i ŭ pamiaškańnie kamiernaha typu. Za piać hadoŭ joj dazvolili tolki niekalki sustreč z baćkam.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary