«Mis Finlandyja» straciła tytuł paśla rezanansnaha zdymka
Sary Dzafce była vymušana raźvitacca z tytułam «Mis Finlandyja» usiaho praz try miesiacy paśla pieramohi ŭ konkursie 2025 hoda. Arhanizatary konkursu pryniali rašeńnie ab dyskvalifikacyi dziaŭčyny na fonie hučnaha skandału, vyklikanaha nieadnaznačnym fotazdymkam u sacyjalnych sietkach.
Chvalu krytyki, jak paviedamlaje Onet.pl, spravakavała fatahrafija, jakaja źjaviłasia ŭ siecivie ŭ kancy listapada. Na joj Sara Dzafce demanstruje žest, jaki tradycyjna ličycca kpinam z rys tvaru ŭschodnieazijackich narodaŭ (zvužeńnie vačej palcami), z podpisam «Jem z kitajcam».
Arhanizatary konkursu «Mis Finlandyja» abviaścili pra pazbaŭleńnie dziaŭčyny tytuła padčas pres-kanfierencyi 11 śniežnia ŭ Chielsinki. Karona była pieradadziena pieršaj vice-mis Tary Lechtonien.
Varta adznačyć, što sama eks-pieramožca maje internacyjanalnaje pachodžańnie. Jaje maci — finka, a baćka rodam z Kosava. Adnak multykulturny bekhraŭnd nie zaściaroh dziaŭčynu ad nieabdumanaha ŭčynku, jaki kaštavaŭ joj karjery.
Padčas pres-kanfierencyi Dzafce zajaviła, što rašeńnie ab pazbaŭleńni tytuła było pryniata sumiesna z arhanizatarami. Jana paprasiła prabačeńnia ŭ azijackaj supolnaści i ŭsich, kaho pakryŭdzili jaje dziejańni. Adnak dziaŭčyna pasprabavała apraŭdacca, patłumačyŭšy žest fizičnym niedamahańniem (hałaŭnym bolem i ciskam u vačach), a źjaŭleńnie sprečnaha podpisu śpisała na svaju siabroŭku, jakaja nibyta zrabiła heta bieź jaje viedama.
Jak paviedamlaje vydańnie, heta nie adziny incydent z udziełam eks-mis. Raniej jana sutyknułasia z asudžeńniem za videa ź biznes-kłasa Finnair. «Ludzi vykazvajuć nianaviść, kali ja ŭ biznes-kłasie Finnair», — adznačała jana ŭ roliku, što mnohimi było ŭspryniata jak prajava hreblivaści i fanaberystaści. Paźniej videa było vydalena, a Dzafce apublikavała prabačeńni ŭ Instagram, zajaviŭšy pra žadańnie zrabić vysnovy z hetaj situacyi.
Historyja atrymała niečakany praciah u palityčnaj śfiery. Deputat finskaha parłamienta i staršynia Kamiteta pa pravavych pytańniach Jucha Eeroła vykłaŭ u Facebook fota, na jakim paradyruje žest Dzafce.
Adkazvajučy na pytańnie finskaha telekanała Yle, palityk patłumačyŭ svoj učynak žartam i zajaviŭ, što nie ličyć hety žest rasisckim ci abraźlivym, chacia i pryznaŭ, što niekatoryja mohuć uspryniać jaho mienavita tak. Deputat padkreśliŭ, što, na jaho dumku, heta nie ličycca ahulnapryznanaj prajavaj rasizmu.
Ciapier čytajuć
Bližejšym časam buduć vyzvaleny bolš za 150 palitźniavolenych13
Kamientary
Možno podumať - bolšaja caca.