Litoŭski siabar Ksienii Lebiedzievaj, jaki sieŭ za špijanaž, prosić abmianiać jaho na biełaruskich palitviaźniaŭ
«Ja chaču pajechać u Biełaruś, ale nie ŭ turmu, a na svabodu», — piša Mantas Danielus, jaki pieradavaŭ infarmacyju KDB.
Litoŭski juryst Mantas Danielus, jaki atrymaŭ turemny termin za toje, što z 2022 hoda źbiraŭ infarmacyju dla biełaruskich śpiecsłužbaŭ i pieradavaŭ źviestki prapahandystcy Ksienii Lebiedzievaj, choča, kab jaho abmianiali na litoŭskich hramadzian, źniavolenych u Biełarusi.
Jon źviarnuŭsia da prezidenta Litvy Hitanasa Naŭsiedy i Litoŭskaj turemnaj słužby z takoj prośbaj, adnak ułady rekamiendavali jamu źviarnucca ŭ Ministerstva justycyi, jakoje adkazvaje za vyrašeńnie padobnych pytańniaŭ.
«Ja chaču pajechać u Biełaruś, ale nie ŭ turmu, a na svabodu, to-bok kab mianie abmianiali na litoŭskich hramadzian, asudžanych u Biełarusi za špijanaž na karyść Litvy: Alenu Ramanaŭskienie (6 hadoŭ), Andreja Kobiela (9 hadoŭ) ci vialikuju hrupu prychilnikaŭ Śviatłany Cichanoŭskaj, jakija siadziać u biełaruskich turmach i ŭsio jašče čakajuć mahčymaści pryjechać u Litvu, jakuju jany ličać ziamloj abiacanaj», — napisaŭ Danielus u liście žurnalistu Elta.
Alena Ramanaŭskienie i Andrej Kobiel pracavali ŭ sanatoryi «Biełaruś». Biełaruś ličyć, što jany byli zavierbavanyja litoŭskimi śpiecsłužbami i nieadnarazova pradastaŭlali infarmacyju pra haściej sanatoryja, u tym liku pra vysokapastaŭlenych biełaruskich čynoŭnikaŭ.
Litoŭski juryst Mantas Danielus prysudžany da 9 hadoŭ turmy za špijanaž na karyść Biełarusi.
-
Imihracyjnaja i mytnaja słužba ZŠA zatrymała nie mienš za dzieviać biełarusaŭ paśla vykliku na pravierku
-
«Vydalaješ, jak chočaš, choć cehłaj ściraj», abo nizki status». Hutarka z chłopcam, jakoha prymusili ŭ kałonii źniščyć tatu z Pahoniaj
-
«Dzie hrošy, Franak?» Viačorka tłumačyć sistemu mižnarodnaj dapamohi hramadzianskaj supolnaści i kudy iduć 30 młn ad ES
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary