Kab vaša leta zapomniłasia vam napoŭnicu, Budzma.org zrabiła ahlad samych cikavych fiestyvalaŭ, jakija nas čakajuć u roznych haradach i miastečkach Biełarusi. Chapaje padziejaŭ na luby hust — ad viaskovych kirmašoŭ da maštabnych rycarskich fiestyvalaŭ dy muzyčnych oŭpen-ejraŭ. U padborku nie ŭklučanyja ideałahičnyja dziaržaŭnyja mierapryjemstvy nakštałt «Słavianskaha bazaru».
29 červienia. Śviata «Pieršy ŭkos»
U niadzielu, 29 červienia, u muziei narodnaj architektury i pobytu ŭ Aziarcy spraŭlajuć śviata «Pieršy ŭkos».
Pieršy ŭkos — heta spradviečnaje i važnaje śviata dla našych prodkaŭ. Na pieršy ŭkos źbiralisia ŭsioj vioskaj na vialikuju tałaku. Na tałace, akramia pracy, ludzi razam adpačyvali i spažyvali ježu, što taksama mieła mahičny sens.
29 červienia vas čakaje raspovied pra tradycyju śviata pieršaha ŭkosa, tałočnyja i zastolnyja biełaruskija pieśni, uračystaje šeście, konkurs na samaha lepšaha kasca, majstar-kłasy pa pakosu travy i pa vyrabu lalki z travy, biełaruskija tancy i hulni pad skrypku i harmonik.
Padrabiaźniej pa spasyłcy.
29 červienia. Kupalle ŭ Dukorskim majontku
U prahramie śviatkavańnia: tradycyjnyja tancy dy śpievy, hulni i zabavy, kupalskaje šeście, a taksama lekcyja z častavańniem «Abradavaja kuchnia biełarusaŭ», raspoviedy ad majstroŭ muzyčnych instrumientaŭ, placieńnie viankoŭ, batlejka «Kupalskaje ščaście», rośpis masak z papje-maše i inš.
A na hałoŭnaj scenie vystupiać: kapeła Aleny Mialeški, hurty Jethnoloops i Roskvit, śpiavačka Nevika.
Padrabiaźniej pa spasyłcy.
4-5 lipienia. Letni džazavy fiestyval «Džaz u horadzie N»
Letni džazavy fiestyval «Džaz u horadzie N» tradycyjna projdzie pad adkrytym niebam u samym sercy Niaśvižskaha zamka.
4 lipienia budzie prezientavana pieršaja prahrama «Huki džaza». 5 lipienia publika pačuje kancertnuju prahramu «Sinatra-110», pryśviečanuju 110-hodździu z dnia naradžeńnia lehiendarnaha amierykanskaha śpievaka i kinaakciora Frenka Sinatry.
Abiacajuć niezabyŭnyja dziŭnyja viečary dla amataraŭ sapraŭdnaha Džaza.
4-5 lipienia. Budsłaŭski fest
Uračystaści ŭ honar Maci Božaj Budsłaŭskaj u Budsłavie sioleta projduć 4—5 lipienia. Deviz sioletnich uračystaściaŭ: «Miłasernaść Božaja — daviarajem Tabie».
Sioleta padčas festu adbudziecca asablivaja padzieja — pryśviačeńnie Minska-Mahiloŭskaj mitrapolii Božaj Miłasernaści i Biezzahannamu Sercu Maryi.⠀
Na Budsłaŭski fest źjazdžajucca, jak praviła, usie katalickija biskupy Biełarusi, a taksama pradstaŭniki inšych chryścijanskich kanfiesij. Akramia śviataroŭ, na fest prychodzić mnostva pałomnikaŭ, u tym liku i ź inšych krain.
Nahadajem, što ŭ 2018 hodzie Budsłaŭski fest byŭ uklučany ŭ śpis niemateryjalnaj kulturnaj spadčyny JUNIESKA.
12 — 13 lipienia. Fiestyval «Archieałahičnaje safary» ŭ Nacyjanalnym parku «Prypiacki»
Fiestyval dazvolić adčuć siabie pieršaadkryvalnikam i dakranucca da staražytnaj historyi Paleśsia. U prahramie: ekskursija «Zakinutaje haradzišča» (abiacajuć pakazać staražytnaje haradzišča, pabudavanaje da našaj ery), vystava staražytnych artefaktaŭ, majstar-kłas pa vyrabie kieramiki, kvest pa pošuku artefaktaŭ.
18-19 lipienia. Mižnarodnaje śviata «Višniovy fiestyval»
Tradycyjnaje mižnarodnaje śviata «Višniovy fiestyval» adbudziecca ŭ druhoj pałovie lipienia ŭ Hłybokim.
U prahramie: šeście «višniovaj karalevy», zabiehi «višniovych smaŭžoŭ», stralba višniovymi kostačkami, muzyčnaja prahrama i šmat inšych tematyčnych mierapryjemstvaŭ.
19-20 lipienia. Šasnaccaty štohadovy fiestyval «Naš Hrunvald»
Mižnarodny fiestyval siaredniaviečnaj kultury adbudziecca tradycyjna ŭ muziejnym kompleksie «Dudutki».
Mierapryjemstva pryśviečana vajskovaj i śvieckaj siaredniaviečnaj tematycy, zvyčajam našych prodkaŭ. Heta najstarejšy i najbujniejšy fiestyval vajskova-histaryčnaj rekanstrukcyi ŭ Biełarusi. Hałoŭnaj padziejaj festu stanie adnaŭleńnie samaj maštabnaj bitvy siaredniaviečnaj Jeŭropy, jakaja adbyłasia 15 lipienia 1410 hoda pamiž vojskami Teŭtonskaha Ordena i chaŭruśnikaŭ: Vialikaha Kniastva Litoŭskaha i Karaleŭstva Polskaha.
Padrabiaznaja prahrama festu pa spasyłcy.
2 žniŭnia. Fiestyval «Halšanski zamak»
U vioscy Halšany la ścien byłoha zamka Sapiehaŭ adbudziecca štohadovy fiestyval «Halšanski zamak».
Haściej fiestyvalu čakaje nasyčanaja i raznastajnaja prahrama: konnyja turniry, turniry łučnikaŭ, majstar-kłasy pa chadžeńniu na chadulach i siaredniaviečnych tancach, pradstaŭleńni vuličnaha teatra i konna-spartyŭnych kłubaŭ, kancertnyja vystupleńni hurtoŭ siaredniaviečnaj muzyki i mnohaje inšaje.
Na placoŭkach la ścien zamka źbiaruć svaich prychilnikaŭ turniry rycaraŭ — adno z samych zajmalnych vidoviščaŭ śviata. Tut možna budzie pastralać z łuka, pazmahacca na miačach, prakacicca konna. Dla haściej śviata praviaduć majstar-kłasy pa hančarnaj spravie, kavalskim ramiastvie, fiechtavańni. Vydatnym padarunkam dla dziaciej stanie dziciačaja placoŭka sa šmatlikimi atrakcyjonami i hulniami.
2 — 3 žniŭnia. Śviata siaredniaviečnaj kultury «Rycarski fest»
Śviata siaredniaviečnaj kultury «Rycarski fest» u Mścisłavie štohod źbiraje bolš za 300 udzielnikaŭ z kłubaŭ histaryčnaj rekanstrukcyi. Placoŭkaj, na jakoj adbyvajecca fiestyval, tradycyjna źjaŭlajecca historyka-archieałahičny pomnik architektury «Zamkavaja hara».
Hałoŭnaja zadača fiestyvalu — zachavańnie i raźvićcio nacyjanalnaj biełaruskaj kultury, rekanstrukcyja histaryčnych kaštoŭnaściaŭ. Prahrama fiestyvalu składajecca z vystupleńniaŭ łučnikaŭ, konnych spabornictvaŭ i piešych rycarskich turniraŭ, teatralizavanych i muzyčnych vystupaŭ i inšych cikavostak.
9-10 žniŭnia. Mižnarodny fiestyval falkłoru «Motalskija prysmaki»
Fiestyval prachodzić u vioscy Motal Ivanaŭskaha rajona Bresckaj vobłaści. Heta fiestyval, jaki znajomić z tradycyjami Paleśsia. Sioleta ŭ konkursnaj prahramie buduć pakazvać raznastajnyja tradycyjnyja viasielnyja stravy. Mierapryjemstva pačniecca sa śviatočnaha šeścia ŭ vyhladzie viasiella, praciahniecca handlem na hałoŭnaj vulicy ahraharadka, a ŭviečary naviednikaŭ fiestyvalu čakaje kancert.
9 — 10 žniŭnia. Śviata «Iŭjeŭski pamidor»
Śviata pravodzicca va ŭmoŭnaj stalicy biełaruskaha pamidora Iŭi. U prahramie festa teatralizavanaje šeście, vystava-prodaž i dehustacyja pamidoraŭ, «pamidorny darts», muzyčnaja prahrama i šmat inšaha.
9 žniŭnia. Fiestyval siaredniaviečnaj kultury «Navahrudski zamak»
Fiestyval tradycyjna ładzicca ŭ Navahrudku la padnožža Zamkavaj hary. Naviednikaŭ čakajuć siaredniaviečnyja muzyka i tancy, rycarski turnir, kirmaš ramieśnikaŭ, vuličny teatr dy inšyja cikavostki.
22-23 žniŭnia. Hańnienski kirmaš
Hańnienski kirmaš štohod pravodzicca ŭ žniŭni ŭ Zelvie. Śviata ładzicca ŭ honar śviatoj Hanny i maje daŭniuju historyju. Jašče ŭ 1721 hodzie haspadary miastečka Sapiehi atrymali ad karala Aŭhusta Mocnaha pryvilej na handal i kirmašy. Pa niekatorych źviestkach handal na kirmašy ciahnuŭsia ceły miesiac i byŭ nie mienš maštabnym za znakamity kirmaš u Lajpcyhu. Łakalnaj asablivaściu hetych tarhoŭ było toje, što asnoŭnym abjektam kupli-prodažu na ich byli koni.
Z 2001 hoda tradycyju Hańnienskich kirmašoŭ sprabujuć adradzić. U horadzie ładzicca vialikaje śviata z chlebam, sollu, šašłykami, mastackaj samadziejnaściu dy, viadoma, końmi. Tut luby achvotny moža prajechacca na bryčcy i adčuć atmaśfieru staradaŭniaha miastečka, jakim jano było paru stahodździaŭ tamu.
Ciapier čytajuć
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia25
Studentka, jakaja ŭciakła ad aryštu ŭ 2020-m, pracuje na krajniaj poŭnačy Narviehii i zrazumieła skandynaŭski recept ščaścia
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier77
Kamientary