«Самае прыгожае свята лета». Турысты расказалі, як з'ездзілі на Купалле ў Сулу
Удзельнікі клуба аматараў актыўнага адпачынку і спорту «Байдарачнікі Полаччыны» вырашылі падтрымаць традыцыю і з'ездзілі на свята ў парк сярэднявечнай гісторыі «Вялікае княства Сула», размешчаны пад Стоўбцамі. Незабыўнымі ўражаннямі палачане падзяліліся з мясцовым парталам Gorod214.by.
Свята ўразіла палачан сваім маштабам. За суткі «Вялікае княства Сула» наведалі больш за 7000 чалавек. Арганізатары ўмела аднавілі атмасферу мінулага і пастараліся, каб самае прыгожае свята лета стала незабыўнай падзеяй для ўсіх гасцей.
У парку, як расказалі палачане, было створана мноства тэматычных лакацый. Наведвальнікі загадзя падрыхтаваліся да свята: большая частка дзяўчат прыехалі ў белых строях і з вянкамі, а хлопцы — у кашулях з нацыянальнымі элементамі. Усе ўдзельнікі мерапрыемства мелі магчымасць сплесці вянок на месцы.
Праграма святкавання была пабудаваная на легендах, абрадах і традыцыях, якія перадаюцца з пакалення ў пакаленне. Было шмат гульняў, танцаў, карагодаў. Асабліва відовішчным момантам стала шэсце з паходнямі, дзе ўсе прысутныя, зліваючыся ў адзінае цэлае, разам ішлі запальваць вогнішча.
Запомнілася і спусканне вянкоў на ваду пад акапельныя жывыя спевы артыстаў. На заканчэнне свята ўсе ахвотныя скакалі праз вогнішча і шукалі папараць-кветку.
На думку ўдзельнікаў мерапрыемства, парк сярэднявечнай гісторыі «Вялікае княства Сула» з'яўляецца найлепшым месцам, якое перадае гістарычную атмасферу і заглыбляе наведвальнікаў у далёкае мінулае. А фатаграфіі з Купалля будуць доўга нагадваць пра атрыманыя эмоцыі і ўражанні.
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці27
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
))