U noč na10 lipienia Kijeŭ padvierhnuŭsia masiravanaj kambinavanaj atacy rasijskimi dronami i balistykaj, u stalicy hučali mocnyja vybuchi, uźnikli pažary. Try čałavieki zahinuli, 14 paciarpieli.
A 2:28 nočy pavietrany siły paviedamili pra ataku na stalicu Ukrainy.
Paśla hetaha žychary Kijeva paviedamili pra mahutnyja vybuchi ŭ horadzie.
Mer Vital Kličko paviedamiŭ pra pažary ŭ vyniku padzieńnia varožych dronaŭ u Šaŭčenkaŭskim, Darnickim, Sałamianskim, Hałasiejeŭskim, Padolskim rajonach.
U pieršuju čarhu nastupstvy pačali fiksavacca ŭ Šaŭčenkaŭskim rajonie stalicy. Spačatku była papiaredniaja infarmacyja pra traplańnie ŭ niežyłyja i žyłyja budynki, padzieńnie askołkaŭ na dach doma i pablizu AZS, paviedamlaje RBK-Ukraina..
«Vyratalniki pracujuć u žyłym domie, dzie ŭ vyniku padzieńnia askołkaŭ adbyŭsia pažar na vierchnim paviersie. Jašče pa niekalkich adrasach zafiksavana padzieńnie askołkaŭ. Pa adnym z adrasoŭ — taksama pažar. Usie słužby na miescy», — udakładniŭ Vital Kličko a 03:22.
Jašče praz hadzinu kiraŭnik Šaŭčenkaŭskaj rajonnaj administracyi Alaksandr Sazanovič prainfarmavaŭ, što ŭ vyniku kambinavanaj ataki ŭ rajonie zafiksavany značnyja paškodžańni hramadzianskaj infrastruktury.
«Paškodžany žyłyja damy — paciarpieli dachi, vierchnija pavierchi, fasady, unutranyja pamiaškańni. Taksama zafiksavana šmatlikaje traplańnie askołkaŭ BPŁA ŭ niežyłyja pamiaškańni», — havorycca ŭ paviedamleńni.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary